Try scenary, pa jakich «Biełtelekam» stanie mabilnym apierataram
«Biełtelekam» razhladaje try scenary, pa jakich moža vyjści na rynak mabilnych apierataraŭ. Pra heta raspavioŭ hienieralny dyrektar kampanii Alaksiej Ivaškin, piša ib Media.
Pa słovach Alaksieja Ivaškina, isnujuć try madeli vychadu na rynak mabilnaj suviazi: budaŭnictva ŭłasnaj sietki, arenda sietki (madel virtualnaha apieratara) albo kupla dziejučaha apieratara.
Jon padkreśliŭ, što kampanija razhladaje ŭsie try mahčymaści i «praličvaje ekanomiku pa ŭsich napramkach».
Pryniać rašeńnie pa najbolš prydatnaj madeli mohuć užo ŭ pačatku 2025 hoda.
Alaksiej Ivaškin udakładniŭ, što «ad pryniaćcia rašeńnia da ŭkaranieńnia — dosyć vialiki termin». Tak, kali havorka idzie ab budaŭnictvie ŭłasnaj sietki — na heta spatrebiacca hady. Što tyčycca madeli virtualnaha apieratara, ad pryniaćcia rašeńnia da startu nieabchodna nie mienš za paŭhoda, pryčym patrabujecca kupla svajho jadra, nałada infrastruktury, zaklučeńnie damovaŭ. Treciaja madel, jakaja praduhledžvaje kuplu apieratara, praduhledžvaje pieramovy, što taksama patrabuje času.
Pa słovach kiraŭnika «Biełtelekama», vychad kampanii na rynak mabilnaj suviazi paŭpłyvaje na pracu pradstaŭlenych na im hulcoŭ.
Pry hetym jon udakładniŭ, što «cenavyja vojny my nie chočam ładzić», kankurentnaja baraćba, jakaja jość na rynku, heta narmalna, bo pavyšaje jakaść uzajemadziejańnia z abanientami.
U svaju čarhu ministr suviazi i infarmatyzacyi Kanstancin Šulhan zapeŭniŭ, što źjaŭleńnie novaha mabilnaha apieratara stanoŭča adabjecca jak na pracy pradstaŭlenych na rynku kampanij, tak i na abanientach. Jon udakładniŭ, što «surjozna prapracoŭvajuć, kab jak minimum dla abanientaŭ stała lepš, jak maksimum — dla raźvićcia suviazi i dla kožnaha z apierataraŭ».
Raniej ministr adznačaŭ, što zychodziačy z taho, pa jakoj madeli pojdzie raźvićcio technałohii 5G, «Biełtelekam» dumaje, u jakim vyhladzie buduć raźvivać prajekt mabilnaha apieratara.
Nahadajem, kampanija «Biełtelekam» atrymała prava akazvać pasłuhi sotavaj suviazi jašče ŭ studzieni 2022 hoda. Darečy, joj naležyć 51% u mabilnym apieratary MTS.
-
U Miorskim rajonie lekcyi pra siamiejnyja kaštoŭnaści miascovyja načalniki čytali piensijanieram FOTY
-
«Admienim roŭminh, kazali jany. U vyniku admianili internet». Biełarusy raskazali, što ŭ Rasii nie pracuje roŭminh ni A1, ni MTS
-
«Zaraz jaje budzie achoŭvać Siaroža». Boty atrymali novuju mietadyčku pra Cichanoŭskuju
Źnikłuju ŭ Mjanmie Vieru Kraŭcovu znajšli miortvaj6
Źnikłuju ŭ Mjanmie Vieru Kraŭcovu znajšli miortvaj
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4242
Kamientary