Najezd na ludziej u Mahdeburhu zrabiŭ mužčyna rodam z Saudaŭskaj Aravii
Za rulom aŭtamabila, jaki ŭlacieŭ u natoŭp ludziej na kaladnym kirmašy ŭ niamieckim Mahdeburhu, byŭ 50-hadovy ŭradženiec Saudaŭskaj Aravii, paviedamlaje vydańnie Welt. Jaho zatrymali na miescy. Pierad teraktam mužčyna arandavaŭ aŭtamabil.
Pavodle źviestak vydańnia, u vyniku teraktu paciarpieli ad 60 da 80 čałaviek. Jość zahinułyja. U ŚMI nazyvajecca ličba ŭ 11 čałaviek, ale jana pakul što aficyjna nie paćvierdžanaja.
Ułady fiederalnaj ziamli Saksonija-Anchalt, centram jakoj źjaŭlajecca Mahdeburh, zychodziać z taho, što incydent nasiŭ naŭmysny charaktar i byŭ «napadam». Kiraŭnik Saksonii-Anchalt Rajner Erych Chaziełof paviedamiŭ, što kiroŭca aŭtamabila, jaki zajechaŭ u ludziej, žyŭ u Hiermanii z 2006 hoda.
Pavodle aficyjnych źviestak ad uładaŭ Mahdeburha, zahinuli jak minimum 2 čałavieki, u tym liku 1 dzicia. 68 paciarpieli, 15 ź ich u ciažkim stanie. Stan 37 čałaviek aceńvajecca jak siaredniaj ciažkaści, 16 — jak lohka paranienych.
Paśla terakta palicyja ačapiła terytoryju vakoł aŭtamabila z-za padazreńniaŭ, što ŭsiaredzinie moža być vybuchovaje prystasavańnie.
Ciapier čytajuć
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary