Estonija pačała apieracyju pa abaronie padvodnaha kabiela Estlink 1
Da kabiela nakiravany patrulny karabiel.
Ministr abarony Channa Peŭkur i hałoŭnakamandujučy abarončymi siłami hienierał-major Andrus Mieryła damovilisia, što siońnia ranicaj vajenna-marski fłot pačnie abaronu padvodnaha kabiela Estlink 1, jaki złučaje Estoniju i Finlandyju, z vykarystańniem patrulnych karabloŭ, piša Delfi.ee.
Ministr abarony Peŭkur padkreśliŭ, što dziaržava pavinna reahavać na takija incydenty, jak paškodžańnie kabiela Estlink 2, i pasyłać vyrazny sihnał ab tym, što ŭ vypadku ataki na krytyčna važnuju infrastrukturu buduć pryniaty kankretnyja miery.
«Viadoma, śledstva pavinna vyśvietlić usie detali paškodžańnia kabiela Estlink 2 i kabielaŭ suviazi, ale naša zadača — nieadkładna pakazać, što my hatovyja abaraniać złučeńni pamiž Estonijaj i Finlandyjaj, u tym liku z vykarystańniem vajennych srodkaŭ», — zajaviŭ jon.
Peŭkur dadaŭ, što ŭ suviazi z paškodžańniem Estlink 2 važna zachavać enierhietyčnuju suviaź pamiž Estonijaj i Finlandyjaj i zabiaśpiečyć abaronu krytyčna važnaj infrastruktury.
Ciapier čytajuć
Ejsmant: Statkieviča pamiłavali ŭžo paŭhoda nazad, ale tady jon viarnuŭsia ŭ turmu14
Kamientary