Dadajucca try stancyi ŭ paŭdniovym kirunku: «Aeradromnaja», «Niemaršanski sad» i «Słucki haściniec». Ich budavali sa žniŭnia 2017 hoda.
Napiaredadni ŭ vahonach mietro źjavilisia schiemy z novymi stancyjami treciaj linii.
Taksama čatyry stancyi da płoščy Banhałor upieršyniu paznačanyja ŭ statusie stancyj, jakija budujucca.
Budaŭnictva ŭčastka treciaj linii Minskaha mietrapalitena ad stancyi «Aeradromnaja» da stancyi «Słucki Haściniec» praciahłaściu 4,08 km pačałosia ŭ žniŭni 2017 hoda.
Hety ŭčastak mietro złučyć chutkasnaj transpartnaj suviaźziu ź inšymi rajonami horada žyły rajon Kurasoŭščyna, a taksama rajon «Minsk-Śviet».
Pry hetym u centry horada budzie stvorany transpartny trykutnik ź viaršyniami ŭ pierasadačnych vuzłach na stancyjach «Kastryčnickaja» — «Kupałaŭskaja», «Płošča Lenina» — «Vakzalnaja» i «Frunzienskaja» — «Jubilejnaja Płošča», a pasažyrskaja nahruzka pamiž druhoj i treciaj linijami źnizicca, piša BiełTA.
Na treciaj linii mietrapalitena praduhledžany rašeńni novaha techničnaha ŭzroŭniu, vysokaja aŭtamatyzacyja pracesaŭ, intelektualnyja sistemy kiravańnia rucham ciahnikoŭ, apłaty prajezdu, pažarnaj biaśpieki, novyja srodki pieradačy i apracoŭki danych ab rabocie ŭsich sistem mietrapalitena.
Dla biaśpieki pasažyraŭ na płatformach stancyj pastaŭleny admysłovyja aharodžy.
Tradycyjna na stancyjach zrobleny roznyja interjery. Naprykład, na «Słuckim Haścincy» kancepcyja interjeru asnovana na histaryčnych mietafarach i cytatach. Niekatoryja ŭzory słuckich pajasoŭ u sproščanym, stylizavanym vyhladzie taksama znajšli svajo adlustravańnie ŭ interjery.
Asnoŭnaja mastackaja ideja interjera stancyi «Niemaršanski Sad», jak i vynikaje z nazvy, — heta vyjava sadu. Niahledziačy na toje, što prastora stancyi nie źviazana z navakolnym asiarodździem, stajała zadača vobrazami dabicca adčuvańnia nastroju znachodžańnia ŭ sadzie pad kronami dreŭ.
U svaju čarhu na stancyi «Aeradromnaja» prysutničaje tema palotu. Hałoŭny elemient interjeru — kvadratnyja śviacilni na fonie aluminijevaj padviesnaj stoli ź lustranoj pavierchniaj.
Hienieralny płan Minska ŭklučaje raździeł pa raźvićci transpartnaj infrastruktury, u tym liku rejkavych vidaŭ haradskoha pasažyrskaha transpartu.
Schiemaj praduhledžany 4 linii minskaha mietrapalitena, adna ź jakich radyjalna-kalcavaja. Ahulnaja praciahłaść treciaj linii składzie 16 km. Linija złučyć paŭdniovuju i paŭnočnuju častki Minska z centralnaj častkaj.
Płanujecca, što čaćviortaja linija mietrapalitena budzie mieć praciahłaść bolš za 25 km i pierasiačeńni ź inšymi tryma linijami. Trasa linii budzie dubliravać druhoje aŭtatranspartnaje haradskoje kalco.
Udzieł u adkryćci novych stancyj voźmie Alaksandr Łukašenka.
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha182182
Kamientary