Roźnica pamiž 2023 i 2024 hadami istotnaja.
Pavodle danych litoŭskaj Dziaržaŭnaj słužby achovy miažy, letaś zarehistravali kala 1,5 miljona pierasiačeńniaŭ miažy biełarusami, u 2023 hodzie — kala 2,6 miljona, a ŭ 2022 hodzie miažu pierasiekli kala 1,7 miljona biełarusaŭ, piša LRT sa spasyłkaj na BNS.
Na dumku ministra ŭnutranych spraŭ Litvy Uładzisłava Kandratoviča, takija ličby mohuć być źviazanyja sa źmianšeńniem kolkaści biełarusaŭ na litoŭskim rynku pracy, zakryćciom častki pamiežnych punktaŭ ź Biełaruśsiu i inšymi mierami, jakija ŭzmacnili kantrol pry ŭjeździe ŭ krainu (naprykład, zabarona na ŭjezd na aŭto na biełaruskich numarach).
Na dadzieny momant na miažy Litvy i Biełarusi dziejničajuć punkty propusku «Kamienny Łoh» i «Bieniakoni».
Pavodle danych Departamienta mihracyi, na 1 śniežnia minułaha hoda vid na žycharstva ŭ Litvie mieli 59 tysiač hramadzian Biełarusi.
U MUS Litvy adznačyli, što pakul nie źbirajucca źmiakčać abmiežavańni.
Kamientary