Havorka idzie pra «Handlovuju kampaniju Romaks». Infarmacyja pra heta źjaviłasia na sajcie Adzinaha dziaržaŭnaha rejestra źviestak pra bankructva.
Admietna, što z maja 2024 hoda kampanija znachodziłasia ŭ likvidacyi pavodle rašeńnia ŭłaśnika, adnak vyjšła ź jaje 16 śniežnia taksama pa rašeńni ŭłaśnika. Ale ŭžo 23 śniežnia Ekanamičny sud horada Minska raspačaŭ spravu pra bankructva kampanii.
Zajavu pra bankructva «Handlovaj kampanii Romaks» padała kampanija «Tybietrej», pakolki padčas likvidacyi handlovaja kampanija nie pahasiła zapazyčanaść bolš za 3,8 młn rubloŭ.
Zajavu padtrymali i inšyja kredytory, siarod jakich kampanii «Handlovy Pasad», «Biełvinhrup», «Mostra-hrup» i inšyja. U śpisie kredytoraŭ kampanii taksama niekalki bankaŭ: BNB-Bank, Alfa Bank, Pryjorbank.
Pavodle vyznačeńnia suda, «Handlovaja kampanija Romaks» vinnaja kredytoram 163 351 914 rubloŭ, 317 859 357 rasijskich rubloŭ, $3 115 581 i 128 066 jeŭra.
Pry hetym aktyvy kampanii składajuć 168 973 273 biełaruskija rubli. Siarod ich 8 413 463 rubli asnoŭnych srodkaŭ, materyjałaŭ na 252 034 rubli, tary na 173 776 rubloŭ, a taksama debitorskaja zapazyčanaść na 159 916 050 rubloŭ.
Admietna, što značnaja suma debitorskaj zapazyčanaści prypadaje na inšyja kampanii hrupy Romax — «ZapadChimInviest» (12 760 654 rubli), «ZapadChimHandal» (104 882 399 rubloŭ) i «ZapadChimServis» (17 797 201 rubiel). Pry hetym usie hetyja kampanii taksama znachodziacca ŭ pracedury bankructva, a sud miarkuje, što debitorskaja zapazyčanaść pierad «Handlovaj kampanijaj Romaks» «źjaŭlajecca sumnieŭnaj dla spahnańnia ŭ poŭnym abjomie».
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia9
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary