Hramadstva1313

Maładuju biełarusku asudzili za narkotyki na 9 hadoŭ. Kali vyjšła z kałonii, zrabiła zasvojeny tam navyk spravaj žyćcia

Kali Nastaśsi było 20 hod, jana trapiła za kraty. Dziaŭčynie paščaściła trapić pad niekalki amnistyj, u vyniku jana praviała ŭ źniavoleńni značna mienš, piać hadoŭ. U homielskaj kałonii jana navučyłasia šyć i ciapier adkryła ŭłasnuju łabaratoryju, dzie šyje rečy na zakaz, ramantuje adzieńnie i dapamahaje pačynajučym brendam z raspracoŭkaj lakałaŭ.

Ščyruju historyju pra toje, jak dasiahnuć dna i vypłyści adtul, dziaŭčyna raspaviała jutub-kanału Miss Mo — pierakazvajem samaje cikavaje.

Nastaśsia naradziłasia ŭ Horkach. Baćki raźvialisia, kali joj było try hady. Dziaŭčyna zastałasia z maci, ale praciahvała bačycca i z baćkam. Pa jaje słovach, u taho byli vialikija prablemy z ałkaholem i tamu ŭ siamji paŭtaralisia nastaŭleńni: «Aściarožniej, u ciabie vielmi žorstkaja schilnaść».

Kali dziaŭčyna pastupiła ŭ kaledž i pierajechała ŭ Minsk, «devijantnyja štučki pačali brać vierch» nad joj.

«Zhadvajučy, jak my tusili, nie razumieju, jak zdała ekzamieny i atrymała dypłom. Tamu što dachodziła da taho, što pierad kaledžam my zabiahali ŭ kijosk, brali pa butelcy i tak pačynali dzień. Samaje žorstkaje było, kali ja paŭhoda piła dzień za dniom».

Dziaŭčyna kaža, što ŭ jaje, mahčyma, sarvała dach ad samoha faktu pierajezdu ŭ stalicu. Akramia taho, jana pa natury — ulublivy čałaviek, jaki kali ŭ niešta pahružajecca, to całkam.

«Kali ja za niešta biarusia, to mahu nie padymać hałavy pa 10 hadzin i bolš, zabyvajučy pajeści, schadzić u tualet».

Nastaśsia. Skrynšot: videa Miss Mo

Mocna pić Nastaśsia pačała ŭ 15 hadoŭ, a ŭžo ŭ 16 pierajšła na «bolš ciažkaje».

«Była niejkaja cikaŭnaść, pryčym durnaja — mnie treba było zrazumieć, što pa toj bok znachodzicca. Usie vakoł hladzieli «Na ihołcy», «Rekvijem pa mary», i kali niekaha heta pužała, to mnie naadvarot chaciełasia samoj zrazumieć na sabie, jak heta — namacać dno, kali jano isnuje».

Dziaŭčyna kaža, što sprabavała zaviazać paśla incydentu, jaki mocna jaje napužaŭ.

«Ja apynułasia ŭ kvatery-prytonie, dzie piać čuvakoŭ ukałolisia z adnaho špryca. U adnaho ź ich hniła naha, jon nie chadziŭ. Ja zrazumieła, što mnie treba iści adsiul, ale dźviery byli začynienyja. I prosta vypadkova niechta viartaŭsia z kramy, i ja tady adkidvaju taho čałavieka i biahu. Heta adbyvałasia na stancyi mietro Mahiloŭskaja i adtul da Partyzanskaj ja prosta biehła, tak mnie było strašna», — zhadvaje hierainia.

Da situacyi padklučylisia maci i ajčym, jana zabrali ŭ Naści telefon, adpravili da babuli i znajšli psichaterapieŭta (zastacca doma nie dazvolili, bo ŭ ich padrastała maleńkaje dzicia, za jakoha jany pieražyvali).

«Mnie sapraŭdy stała lepš, ja była 10 miesiacaŭ u remisii, pačała znoŭ pracavać, uładkavałasia ŭ Mahilovie ŭ «Kinavideaprakat». I potym ja rychtuju mierapryjemstva dla škoły i źnianacku vyrašaju znajści [dozu] — na heta ŭ čužym horadzie mnie spatrebiłasia 40 chvilin. 40 chvilin, kab pachieryć 10 miesiacaŭ pracy da hetaha. Ja znajšła soli — heta niebiaśpiečnyja psichatropy. Ad samoha ŭspaminu pra ich mnie dahetul ciažka dychać».

Naścia kaža, što ŭ jaje pačaŭsia kuraž, jaki ciahnuŭsia piać miesiacaŭ, pakul jaje nie aryštavali.

«Mianie złavili ŭ nieadekvatnym stanie, z saboj u mianie było šmat vahi. Mnie advakat adrazu skazaŭ: prosta pryznaj vinu, niama šancu vyrvacca: u ciabie dastali sa stanika 30 hramaŭ parašku».

Skrynšot: videa Miss Mo

Adbyvać prysudžanyja dzieviać hod jaje adpravili ŭ Homielskuju kałoniju. Nastaśsia kaža, što žyła na terytoryi vyklučna z asudžanymi za narkatyčnyja artykuły.

«Ludziej prybyvała vielmi šmat — byli parušanyja normy pa kolkaści čałaviek, prachody zahruvaščvalisia łožkami».

Paśla pieršaha lista ad maci, jaki pačynaŭsia z «Och, dačuška, što ž ty narabiła sa svaim žyćciom», Nastaśsia, pa jaje słovach, mocna pierahladzieła svaje kaštoŭnaści. Pačała bolš canić rodnych i samo žyćcio.

«Mnie nibyta žyćcio [skazała]: voś tabie varyjant, u jakim ty jašče žyvaja, niešta jašče ty pavinna tut zrabić. Całkam vierahodna, pa-inšamu ja b usio nie pieraacaniła, i što mianie b užo nie było ŭ žyvych», — pryznajecca dziaŭčyna.

Nastaśsia adrazu paśla vyzvaleńnia. Skrynšot: videa Miss Mo

U kałonii jana navučyłasia šyć i, kali vyzvaliłasia pa amnistyi, zrabiła novaje ŭmieńnie svajoj prafiesijaj.

Dziaŭčyna ŭpeŭnienaja, što ludzi zdolnyja admovicca ad zaležnaściaŭ tolki tady, kali sami taho zachočuć. Nichto prymusić i ŭhavaryć tut nie zmoža.

«Možna sprabavać pryvieści čałavieka da dumki, što varta źviartacca da śpiecyjalistaŭ: vielmi redka niechta vykaraskvajecca sam. Ale samaje hałoŭnaje — nie dać sabie pravalicca ŭ suzaležnaść. Kali dla taho, kab čałaviek pačaŭ mianiać svajo žyćcio i lačycca, treba rabić jamu vielmi baluča, heta treba rabić», — raić Naścia ludziam, u jakich blizkija pakutujuć ad zaležnaściaŭ.

Kamientary13

  • Ilja
    04.01.2025
    Złobnyj vožyk, diebił, nielzia takoje pisať. Počiemu tut niet knopki žałoby?
  • DIY
    04.01.2025
    Złobnyj vožyk,
    ...,
    I look inside myself
    And see my heart is black
    I see my red door
    I must have it painted black
    Maybe then, I'll fade away
    And not have to face the facts
    It's not easy facing up
    When your whole world is black
    .....
  • Ravaryst
    04.01.2025
    I čamuści nichto nie kaža, što ałkahol gateway drug, ale va ŭsich maryvana ŭ hetaj roli.
    A dziaŭčynie šacunak i pośpiechaŭ.

Ciapier čytajuć

«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ10

«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ

Usie naviny →
Usie naviny

Intervju sa 100-hadovym doktaram Anatolem Zankovičam — pra žyćcio padčas Druhoj suśvietnaj i pracu chirurham u ZŠA5

Tramp zabaraniŭ ujezd u ZŠA hramadzianam 12 krain

Pamior Alaksandr Kłaskoŭski-małodšy7

U minskich kramach zaŭvažyli miasa ŭ pravakacyjnych upakoŭkach i biez markirovak. Adkul?1

Praciŭniki Cichanoŭskaj źbirajucca na kruhły stoł, kab vyrašyć, jak žyć dalej44

Na pracoŭnym stale ŭ Pucina staić kampjutar z apieracyjnaj sistemaj, jakaja ŭžo šmat hod nie abnaŭlajecca14

Cichanoŭskaja: Jany nie chočuć pieramoŭ, jany chočuć, kab my dobraachvotna pajšli ŭ turmy8

Tramp nieanansavana pierahavaryŭ z Pucinym: Pucin skazaŭ, i vielmi rašuča, što jamu daviadziecca adkazać na ataku pa aeradromach22

Novak Džokavič zrabiŭ čarhovuju parodyju na Sabalenka. Taja padyhrała3

bolš čytanych navin
bolš łajkanych navin

«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ10

«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić