Śviet4949

Zialenski: Łukašenka prapanoŭvaŭ mnie stuknuć pa Mazyrskim NPZ, ja jamu kažu: «Što ty havoryš?»

Prezident Ukrainy Uładzimir Zialenski raskazaŭ u intervju amierykanskamu padkastaru Leksu Frydmanu, što Alaksandr Łukašenka prasiŭ u jaho prabačeńnia ŭ pieršyja dni napadu Rasii na Ukrainu. 

Uładzimir Zialenski, 19 krasavika 2024 hoda. Fota: V_Zelenskiy_official / Telegram

«U pieršyja dni vajny Łukašenka prasiŭ prabačeńnia i kazaŭ, što nie vinavaty ŭ tym, što z terytoryi jahonaj krainy zapuskajuć rakiety», — skazaŭ Zialenski.

Prezident Ukrainy raspavioŭ, što razmaŭlaŭ z Łukašenkam pa telefonie praź niekalki dzion paśla pačatku poŭnamaštabnaha rasiejskaha ŭvarvańnia ŭ lutym 2022 hoda. Łukašenka, sa słoŭ Zialenskaha, prasiŭ prabačeńnia i zapeŭnivaŭ, što nie maje dačynieńnia da taho, što Pucin vykarystaŭ Biełaruś dla napadu na Ukrainu.

«Jon kazaŭ, što «heta nie ja, z majoj terytoryi puskaŭ rakiety Pucin». Heta jaho słovy, u mianie jość śviedki. Jon prasiŭ prabačeńnia, jon kazaŭ: «Pavier, Vałodzia, heta nie ja, ja jamu kazaŭ, nie treba, heta było bieź mianie», — śćviardžaje Zialenski.

Prezident Ukrainy skazaŭ, što Łukašenka nibyta prapanoŭvaŭ jamu adkazać udaram pa biełaruskim NPZ. 

«Ja jamu [Łukašenku] skazaŭ, što jon taki ž zabojca, a jon mnie skazaŭ: «Zrazumiej, nielha vajavać z ruskimi». Kažu jamu: «Jak ty dapuściŭ?» Jon kaža: «Nu dobra, stukni pa NPZ, ty ž viedaješ, jak jon šmat dla mianie značyć». Ja jamu kažu: «Što ty havoryš?» — raspavioŭ Zialenski. 

Prezident Ukrainy daŭ trochhadzinnaje intervju dla amierykanskaha padkasta. Jon raskazaŭ pra ŭkrainskaje bačańnie spraviadlivaha miru, vytoki rasijskaj ahresii i hatoŭnaść pracavać razam z prezidentam Trampam i ŭsimi partniorami dziela ŭstalavańnia tryvałaha miru.

Zialenski adkazvaŭ u asnoŭnym na ŭkrainskaj movie praź pierakładčyka, choć časam vykarystoŭvaŭ ruskija słovy i nie saromieŭsia ŭ vyrazach.

«Nu heta ch**nia, prabačcie», — skazaŭ Zialenski pra admovu Zachadu ŭvieści previentyŭnyja sankcyi suprać Rasii i zabiaśpiečyć Ukrainu zbrojaj pierad poŭnamaštabnym uvarvańniem u lutym 2022 hoda.

Taksama jon zajaviŭ, što Ukraina zhodnaja prypynić ahoń u vypadku, kali joj daduć zbroju dla adbićcia budučych napadaŭ.

Kamientary49

  • Nievierahodny pažiratiel bułok.
    06.01.2025
    Smotrieť intierv́ju nie budu. Byli li voprosy o 155 brihadie, kotoraja prošła trienirovku vo Francii i po vozvraŝieniju v Ukrainu počti v połnom sostavie dieziertiovała s fronta?
  • 13
    06.01.2025
    Na samoj spravie heta była ''mnahachadovačka'' z boku łuki. Kab tolki Ukraina naniesła ŭdar pa NPZ ci jašče kudy, heta dało b mahčymaść zadziejničać užo armiju RB, dla ''atražienija podłaha napadzienija bandieravciev''. Navat i tut kałchoźnik sprabavaŭ dahadzić maskoŭskamu čortu.
  • 1
    06.01.2025
    A, nu kali paprasiŭ prabačeńnia, to inšaja sprava, kaniešnie, heta ŭsio mianiaje... ŠOS!
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ1

«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ

Usie naviny →
Usie naviny

Rasija zakryje nieba nad Kapuścinym Jaram. Raniej tak rabili pry atacy «Arešnikam»

Maksim Niedasiekaŭ vystaviŭ na prodaž mašynu. Śćviardžaje, što choča nabyć nieruchomaść8

Jeŭrapiejskija lidary pryjechali ŭ Kijeŭ

U Žyrovicach daščentu raźbirajuć baročnuju carkvu XVIII stahodździa9

Pakistan pačaŭ vajennuju apieracyju suprać Indyi2

«Havorka pra sotni čałaviek». Za hod u śpisie «ekstremisckich farmavańniaŭ» źjavilisia siem adukacyjnych prajektaŭ6

KDB pryznaŭ «terarystkami» zasnavalnic Imaguru1

Amierykanskaja ambasada ŭ Kijevie papiaredziła pra mahčymy maštabny abstreł Ukrainy1

Ci sapraŭdy možna stracić da 10 kiłahramaŭ padčas snu? Navat bolš!

bolš čytanych navin
bolš łajkanych navin

«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ1

«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić