Minskija kantralory zatrymali ŭ 2024 hodzie bolš za 100 tysiač bieźbiletnikaŭ
Zaviedziena šeść kryminalnych spraŭ za napad na kantraloraŭ.
Za 2024 hod u stalicy bolš za 100 tys. bieźbiletnych pasažyraŭ hramadskaha transpartu atrymali štrafy ahulnaj sumaj bolš za try miljony rubloŭ. Pra heta Minsk-Navinam paviedamiła pres-sakratar «Minsktransa» Alena Hramyka.
Pa jaje słovach, daloka nie ŭsie pasažyry reahavali na administracyjnyja pratakoły adekvatna: za napady na kantraloraŭ zaviedziena šeść kryminalnych spraŭ pavodle č. 1 art. 366 KK (hvałt albo pahroza hvałtam u dačynieńni da słužbovaj asoby, jakaja vykonvaje słužbovyja abaviazki).
Pry hetym kantralory dakładna vykonvali svaju pracu — zhodna z zakanadaŭstvam, bieźbiletny pasažyr nie moža być pakarany tolki papiaredžańniem, jon abaviazany zapłacić štraf — ad 0,5 da 1 bazavaj vieličyni. Ciapier heta składaje 21—42 rubli, pryčym sumu možna apłacić jak na miescy, tak i paźniej praz ARIP — na praciahu miesiaca z dnia vypiski štrafu.
Jak adznačyła Alena Hramyka, adkaznaść za bieźbiletny prajezd u haradskim hramadskim transparcie nastupaje z 16 hadoŭ.
Pradstaŭnik «Minsktransa» taksama rastłumačyła, ci abaviazany bieźbiletny pasažyr paśla atrymańnia štrafu pakinuć sałon.
Pa jaje słovach, hetaja pracedura nie vyzvalaje ad apłaty prajezdu. I kali bieźbiletnik admaŭlajecca apłačvać prajezd, to kantralor maje poŭnaje prava zapatrabavać vyjści z transpartnaha srodku na najbližejšym prypynku.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram15
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2525
Kamientary