«Treba dumać, jak adnavić pracazdolnaść firmy». Sachaščyk prakamientavaŭ uzłom svajho sajta
U telehram-kanale, nabližanym da siłavikoŭ, 15 studzienia źjaviłasia infarmacyja pra ŭzłom sajta polskaj budaŭničaj kampanii Sahaty, jakaja naležyć Valeryju Sachaščyku. «Lusterka» spytała samoha Sachaščyka, što jon dumaje pra heta, i jak dziejańni chakieraŭ adbilisia na pracy jahonaha pradpryjemstva.
Pa słovach byłoha pradstaŭnika APK, uzłom sajta kampanii pryvioŭ da poŭnaha paralizavańnia jaje dziejnaści. Chakiery atrymali dostup da internet-staronki firmy, a taksama da dakumientacyi, i zabłakavali jaje.
«Heta adbyłosia ŭ pieryjad, kali my zakryvajem hod i vielmi šmat pracy z dakumientami, treba vykonvać abaviazacielstvy pierad padatkovymi orhanami Polščy, — śćviardžaje eks-pradstaŭnik APK. — Pakul nie mahu acanić maštab strat. Mnie treba dumać, jak adnavić pracazdolnaść firmy. Vialikich niepryjemnaściaŭ nie budzie, ale ŭ nas nie pracujuć ni buchhałtarskija prahramy, ni bazy danych».
Pry hetym Sachaščyk nie pieražyvaje, što złamyśniki apublikujuć adčuvalnyja abo kampramietujučyja jaho dakumienty.
«Ja viadu całkam lehalny biznes, pracuju ŭ pravavym poli, tamu nie pieražyvaju, što buduć apublikavanyja niejkija dakumienty. U ich niama ničoha, za što mnie treba bajacca», — upeŭnieny były palityk.
U paviedamleńni pra ŭzłom chakiery zapatrabavali ad uładalnika kampanii źviazacca ź imi i zapłacić za adnaŭleńnie dostupu da sajta. Valeryj Sachaščyk zajaviŭ «Lusterku», što maje namier pačać pieramovy sa złamyśnikami, kab paskoryć adnaŭleńnie pracazdolnaści svajoj kampanii.
U toj ža čas jon rašuča abvierhnuŭ zakidanuju siłavikami viersiju, što da ŭzłomu nibyta datyčny Vadzim Kabančuk, jaki źmianiŭ Sachaščyka ŭ Abjadnanym pierachodnym kabiniecie na pasadzie pradstaŭnika pa abaronie i nacyjanalnaj biaśpiecy. U Kabančuka, pierakanany Sachaščyk, nijakich matyvaŭ dla hetaha niama.
Uzłamali sajt kampanii Valeryja Sachaščyka. I vystavili jamu ŭltymatum
«Kubło takoje». Ź pierapisak Kabančuka robicca jasna, čamu Vieramiejčyka paličyli niebiaśpiekaj i zabaranili jamu ŭjezd va Ukrainu
Kabančuk: Ja nie datyčny da spravy Vieramiejčyka i naohuł nie viedaŭ, što jaho zanieśli ŭ stop-list na ŭjezd
Ciapier čytajuć
Chrysta Hrozieŭ: ad ramantyka-radyjoamatara da čałavieka, jaki vykryŭ samyja zmročnyja tajamnicy HRU i FSB. Jak jaho vierbavała śpiecsłužba Luksiemburha i jak jon vymušany chavacca ciapier
Kamientary