U Biełaviežskaj puščy źjavilisia niezvyčajnyja «ledzianyja vałasy». Što heta takoje?
Zahadku hetaha ŭnikalnaj pryrodnaj źjavy ŭdałosia razhadać zusim niadaŭna.
U Biełaviežskaj puščy zaŭvažyli tak zvanyja «ledzianyja vałasy». Takija niezvyčajnyja ŭtvareńni na hniłoj draŭninie ŭźnikajuć u prachałodny pieryjad, kali tempieratura trymajecca ŭ rajonie nula.
Źniešnie hetaja dziŭnaja pryrodnaja źjava nahadvaje sivuju baradu, a daŭžynia asobnych «vałaskoŭ» moža dasiahać 20 santymietraŭ. Zahadku «ledzianych vałasoŭ» vučonym udałosia razhadvać tolki ŭ XXI st., raspaviali ŭ Biełaviežskaj puščy.
U 2015 hodzie vučonyja daśledavali ledzianyja «vałaski» i vyjavili, što vyrašalnuju rolu ŭ ich utvareńni adyhryvaje hryb pad nazvaj Exidiopsis effusa. U składzie hetaha hryba znachodziacca asablivyja rečyvy, jakija słužać svojeasablivym cemientam u pabudovie takich ledzianych struktur.
Kali vadkaść z draŭniny vychodzić praź mikrapory pad uździejańniem choładu, fiermienty hryba źmiešvajucca ź vilhaćciu i nie dajuć joj źlipacca ŭ bujnyja kryštali lodu. «Ledzianyja pasmy» rastuć, pakul nie skončycca vadkaść u drevie abo nie źmieniacca navakolnyja ŭmovy.
Dla rostu takoj «ledzianoj barady» abaviazkova pavinny supaści niekalki ŭmoŭ — heta vialikaja kolkaść vilhaci ŭ samoj draŭninie i navakolnym pavietry, a tempieratura pry hetym pavinna być blizkaj da nula. Pry najmienšym źmianieńni atmaśfiernych umoŭ «ledzianyja vałasy» chutka raspadajucca i źnikajuć.
Hetu ŭnikalnuju pryrodnuju źjavu možna ŭbačyć tolki ŭ Paŭnočnym paŭšarji, pamiž 45-j i 50-j paralelami, i tolki ŭ šyrokaliścievych lasach. Čamu «ledzianyja vałasy» nie ŭtvarajucca na chvojnych drevach i nastolki patrabavalnyja da šyraty, vučonym jašče daviadziecca vyśvietlić.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary