Doktarka, jakoj aburaŭsia Marzaluk, patrabavała biuleteń pa-rusku. Ale daviałosia pahadzicca na biełaruskuju movu
Hrodzienskaja doktarka Alena Stefanovič, jakoj praź jaje «ruskamirskuju» pazicyju aburaŭsia deputat Ihar Marzaluk i nazyvaŭ «švallu z Hrodna», paskardziłasia, što na vybarčym učastku joj tak i nie dali biuleteń pa-rusku.
«Praciahnuli mnie biuleteń, jaki na movie, naturalna. Papluskaŭšy vačyma, vietliva paprasiła na ruskaj movie — u adkaz zamiašańnie. Potym pramiamlili, što «sioleta na ruskaj niama biuleteniaŭ». U adkaz ja spytała: «Što zdaryłasia? U nas raptam pamianiałasia Kanstytucyja?» Usie napružylisia», — napisała ŭ svaim telehram-kanale Stefanovič.
Z hetym ža pytańniem doktarka pajšła da naziralnikaŭ. Ale i tyja jaje praihnaravali.
«Naziralniki mamientalna «zjadnalisia» (heta słova žančyna napisała mienavita tak. — NN) i prykinulisia hłuchaniamymi. Paŭtaryła pytańnie — try ciotki i dziadźka adviali ŭ bok vočy i ŭparta maŭčali».
Doktarka panarakała, što daviałosia joj pahadzicca na biełaruskamoŭny biuleteń.
Nahadajem, raniej na skarhu prarasijskaj aktyvistki Volhi Bondaravaj i jaje paplečnikaŭ pra adsutnaść ruskaj movy na biuleteniach adreahavaŭ staršynia CVK Ihar Karpienka. Jon abvinavaciŭ prarasijskich aktyvistaŭ u nacyjanalistyčnych vypadach.
«Ja nie baču tut prablemy. A adnosna ambicyj nośbitaŭ takich razvažańniaŭ… Ja vielmi akuratna staŭlusia da padobnych nacyjanalistyčnych vypadaŭ. (…)
Tamu niekatorym voś takim hramadzianam, jakija prajaŭlajuć niepatrebnuju aktyŭnaść adnosna taho, na jakoj movie vypuščany biuleteń, mahu paraić adno: pryjści na vybarčy ŭčastak, zahadzia ŭvažliva aznajomicca z dadzienymi kandydataŭ i zrabić svoj asensavany vybar», — kazaŭ Karpienka.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary
Sa staronki babarykanskaj partyi Vmiestie.