Pałata pradstaŭnikoŭ prysłała Bondaravaj adpisku pa spravie Marzaluka i «švali» z Hrodna
Aburanaja danosčyca Volha Bondarava vystaviła ŭ fejsbuku adkaz, jaki atrymała z Pałaty pradstaŭnikoŭ na svaju skarhu na deputata Ihara Marzaluka.
U zvarocie Bondarava prasiła
«dać acenku pavodzinam deputata Marzaluka I.A. i jaho publičnym vykazvańniam z vykarystańniem nienarmatyŭnaj leksiki ŭ dačynieńni da žančyny, zakonapasłuchmianaj hramadzianki Biełarusi».
Pad paciarpiełaj žančynaj miełasia na ŭvazie hrodzienskaja doktarka Alena Stefanovič, jakaja ŭstupiła ŭ kanflikt z Marzalukom. Pra hetuju paplečnicu Bondaravaj Marzaluk skazaŭ pa TB nastupnaje.
«Kali niejkaja šval u Hrodnie, pracujučy ŭ dziaržaŭnaj miedycynskaj ustanovie, zajaŭlaje, što biełaruski pašpart — prosta papierka, kali jany hrebujuć biełaruskaj uładaj, kali jany ckujuć Ministerstva kultury, ale machajuć čyrvona-zialonym ściaham, to jany robiać toje samaje [što i «zmahary»] i stvarajuć niehatyŭny imidž biełaruskaj ułady».
Adkazvajučy Bondaravaj, staršynia pastajannaj kamisii PP NS pa dziaržaŭnym budaŭnictvie, miascovym samakiravańni i rehłamiencie Valancin Siemianiaka napisaŭ, što «zvarot utrymlivaje ŭ sabie prykmiety abarony intaresaŭ trecich asob», i da jaho «nie prykładzieny dakumient u elektronnym vyhladzie, jaki paćviardžaje paŭnamoctvy na padaču zajavy pradstaŭnikom».
Dziela taho
«zhodna z častkaj čaćviortaj punkta 2 artykuła 25 Zakona [«Ab zvarotach hramadzian i jurydyčnych asob»] zvarot pakinuty biez razhladu pa sutnaści, pakolki nie adpaviadaje patrabavańniam, vyznačanaj častkaj druhoj punkta 2 artykuła 25 Zakona».
Bondaravu taki adkaz aburyŭ. Maŭlaŭ,
«na pavodziny deputata ŭ publičnaj prastory kamisii pa dziaržbudaŭnictvie načchać. Chaj Marzaluk choć usich daktaroŭ švalami panazyvaje».
U suviazi z hetym jana pahražaje, što pry nahodzie pacikavicca, što na hety kont dumaje Łukašenka, namiakajučy, što nibyta maje vychady kali nie na jaho samoha, to na jahonaje atačeńnie.
Chto taja žančyna, jakuju Marzaluk u efiry BT abazvaŭ «švallu z Hrodna», i što jana piša ŭ čatach? Raskazvajem pra doktarku Stefanovič
«Niejkaja šval u Hrodnie». Marzaluk prajšoŭsia pa Bondaravaj i jaje paplečnikach
Na «Marafonie adzinstva» ŭ Mahilovie Marzaluk hramiŭ vorahaŭ słovami Karatkieviča
Marzaluk: Mianie razdražniaje hetaja mantra — «u nas jedinaja istorija, u nas jedinyj jazyk»
Bondarava zaklikała pakarać Marzaluka. Ale padviała siabie pad 15 sutak za repost «NN»
Ciapier čytajuć
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj58
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Kamientary
NN, vyznačyciesia ŭžo chutčej, na čyim vy baku.