Staršynia Minharsavieta raskazaŭ, kolki pavinien kaštavać tałončyk, kab prajezd u hramadskim transparcie akupaŭsia
Pasažyr, apłačvajučy prajezd, kampiensuje mienš za tracinu jaho realnaha koštu. Takija źviestki ahučyŭ staršynia Minharsavieta Arciom Curan, piša Onliner.by.
Na pryjom da jaho pryjšoŭ piensijanier, jaki prapanavaŭ zrabić dla pažyłych ludziej ilhotny prajezd u hramadskim transparcie abo razhladać takuju ilhotu ŭ indyvidualnym paradku.
Staršynia Minharsavieta adkazaŭ, što dziejny taryf i tak źjaŭlajecca ilhotnym: pasažyr apłačvaje mienš za treć, astatniaje kampiensuje haradski biudžet.
— Vydatki na kamunalny transpart u nas vielmi vialikija. Kali b jon byŭ samaakupnym, jak taksi, i tałon kaštavaŭ by kala 3 rubloŭ, jak jon pavinien byŭ by kaštavać, kali łaska, možna było b uvodzić i ilhoty. Tym nie mienš, vašaje pytańnie my prapracujem, — skazaŭ Curan.
Zaraz prajezd u naziemnym hramadskim transparcie kaštuje 85 kapiejek, u mietro — 90 kapiejek.
Kamientary