Kultura2222

U Nacyjanalnym mastackim muziei vystavili pracy Z-mastakoŭ, prykryŭšysia temaj «Vialikaj Ajčynnaj vajny»

Arhanizujuć vystavu rasiejcy.

Skrynšot videa ANT

Učora ŭ Nacyjanalnym mastackim muziei Biełarusi ŭračysta adkryli vystavu «Ściah Pieramohi». Aficyjna paviedamlajecca, što prajekt pryśviečany «śviatkavańniu 80-hodździa Vialikaj Pieramohi i zakančeńnia Vialikaj Ajčynnaj vajny. Ściah Pieramohi — simvał honaru, honaru i hodnaści naroda, jaki pieramoh u toj strašnaj vajnie».

Ale siarod partretaŭ vieteranaŭ dy ilustracyj da litaraturnych tvoraŭ ab toj vajnie možna pabačyć i tvorčaść sučasnych Z-mastakoŭ.

Najbolš jaskravy prykład — partret «Dabraachvotnik Elšat, kavaler ordena Mužnaści». Namalavaŭ jaho ŭ 2023 hodzie mastak Uładzimir Siamionaŭ (jon naradziŭsia ŭ Łatvii, ale ciapier žyvie i pracuje ŭ Rasii). Na karcinie — stomleny mužčyna z paviazkaj ź litaraj Z na ruce.

U centry — partret sałdata z Z na ruce. Fota: soyuz.by

Hetu pracu vykarystoŭvajuć u prapahandysckich mierapryjemstvach. Jaje možna zaŭvažyć na zdymkach z kruhłaha stała na temu «Zachavańnie ahulnaj histaryčnaj pamiaci ab hienacydzie słavianskich narodaŭ», jaki prajšoŭ letaś u Minsku.

Fota: zdv.by

Jašče adzin prykład — praca rasijskaha mastaka Andreja Łysienki «Dzień vajskovaj pamiaci».

Andreja Łysienka «Dzień vajskovaj pamiaci»

Arhanizatary hetaj vystavy — Rasijski kłub pravasłaŭnych miecenataŭ i hramadskaje abjadnańnie «Ruskaje kulturna-aśvietnickaje tavarystva». Aŭtaram kancepcyi vystavačnaha prajekta źjaŭlajecca člen praŭleńnia žyvapisnaj siekcyi Maskoŭskaha sajuza mastakoŭ, narodny mastak Rasijskaj Fiederacyi, akademik Rasijskaj akademii mastactvaŭ Piotr Stronski.

Treba adznačyć, što biełaruskija prapahandysty, raskazvajučy pra vystavu, ihnarujuć Z-tvory, a akcentujuć uvahu na tych pracach, jakija pryśviečanyja «Vialikaj Ajčynnaj vajnie».

Vypadkova ci nie, data skančeńnia vystavy «Ściah Pieramohi» ŭ Nacyjanalnym mastackim muziei abrana davoli simvaličnaja — 24 lutaha. Mienavita ŭ hety dzień try hady tamu Rasija pačała poŭnamaštabnaje ŭvarvańnie va Ukrainu.

Kamientary22

  • Biełarus
    30.01.2025
    Oni by jeŝie vystavili kartiny divizij CC, kotoryje takžie ispolzovali simvoł Z
  • babrujčanin
    30.01.2025
    Kab ab hetym ni napisali tak by i viedali 1 1/2 paŭtary čałavieki. Bondarava Žyhimont i babula jakaja u hetaj zali siadzić i plujecca
  • Čieł
    30.01.2025
    Čiem bolšie oni vojut po povodu VOV, čto tolko oni odni vojevali (a tipa Ukraina, SŠA nie učastvovali), tak vsie bolšie načinajet kazaťsia, a s toj li storony vojevała Rośsija? Možiet oni za Hiermaniju byli?

Ciapier čytajuć

Tehieran haryć. Izrailskija źniščalniki praciahvajuć udary, pakul SPA Irana biaśsilnaja15

Tehieran haryć. Izrailskija źniščalniki praciahvajuć udary, pakul SPA Irana biaśsilnaja

Usie naviny →
Usie naviny

Ryanair budzie štrafavać pasažyraŭ, jakija parušajuć paradak1

U Homieli 7 hadoŭ tamu pabudavali prybiralniu ledź nie za miljon dalaraŭ. Jak u joj ciapier?4

U Dubai zahareŭsia 67-paviarchovy chmaračos3

Što moža čakać tych, kaho buduć sudzić pa spravie «Biełaruskaha Hajuna»?

Łukašenka parekamiendavaŭ biełarusam nie nalahać na bulbu13

Izrailcianam prychodziać špijonskija paviedamleńni ad karespandentki ANT10

Usploski zakazaŭ picy kala Pientahona mahli śviedčyć pra budučuju ataku na Iran9

Dyrektarka dziciačaha centra, dzie razmaŭlajuć vyklučna na ruskaj, abvinavačvaje čynoŭnikaŭ i dziaržaŭnych žurnalistaŭ u chłuśni27

Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1

bolš čytanych navin
bolš łajkanych navin

Tehieran haryć. Izrailskija źniščalniki praciahvajuć udary, pakul SPA Irana biaśsilnaja15

Tehieran haryć. Izrailskija źniščalniki praciahvajuć udary, pakul SPA Irana biaśsilnaja

Hałoŭnaje
Usie naviny →

Zaŭvaha:

 

 

 

 

Zakryć Paviedamić