Pry pieravodach hrošaj u kałonii na pošcie stali patrabavać pašpart
Niekalki dzion tamu paviedamlałasia, što ŭ paštovyja adździaleńni pryjšli abnoŭlenyja śpisy asudžanych, jakim zabaroniena pierasyłać hrošy. Supracoŭniki pošty rastłumačyli, što śpisy pryjšli ź Minska i tyčacca palityčnych viaźniaŭ. Ale akazałasia, što heta jašče nie ŭsio, piša Mayday.team.
Pačynajučy ź lutaha, paštovyja rabotniki stali ŭ abaviazkovym paradku praviarać pašparty hramadzian, jakija pieraličvajuć hrošy ŭ kałonii.
Pasyłać hrošy viaźniam mohuć tolki ich blizkija svajaki. Raniej było dastatkova nazvać ich pašpartnyja danyja i adpravić sumu. Ciapier ža supracoŭniki pošty pavinny praviarać asobu adpraŭnika.
Supracoŭniki pošty nieaficyjna tłumačać, što takoje rasparadžeńnie pryjšło ź sistemy Departamienta vykanańnia pakarańniaŭ, adnak nie mohuć skazać, na jakim mienavita ŭzroŭni pryniataja pastanova.
Pry hetym u niekatorych vypadkach na poštach pravincyjnych haradoŭ pieravody ŭ kałonii paśla 1 lutaha prymalisia pa-raniejšamu biez pravierki pašparta. Adnak u abłasnych centrach zafiksavanyja niekalki vypadkaŭ, kali ŭ svajakoŭ asudžanych pry afarmleńni paštovaha pieravodu pytalisia pra druhoje hramadzianstva, pražyvańnie pa adrasie prapiski i pracaŭładkavańnie.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski22
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2424
Kamientary