Urad pryniaŭ rašeńnie źmianić ceny na haz, a taksama taryfy na ciepłavuju i elektraenierhiju dla nasielnictva. Heta praduhledžana pastanovaj, jakaja była aficyjna apublikavana na Nacyjanalnym pravavym internet-partale.
Pavodle novych taryfaŭ, za ciepłavuju enierhiju, što vykarystoŭvajecca dla aciapleńnia i haračaha vodazabieśpiačeńnia, ciapier daviadziecca płacić 134,94 rubla za adnu Hkał.
Ceny na pryrodny haz, jak i raniej, zaležać ad abstalavańnia, jakoje vykarystoŭvajuć spažyŭcy.
Tak, za adzin kubičny mietr pryrodnaha hazu treba budzie płacić:
- 0,2062 rubla, kali ŭstanoŭleny indyvidualnyja hazavyja aciaplalnyja prybory i ličylnik;
- 0,5477 rubla, kali jość ličylnik, ale niama indyvidualnych hazavych aciaplalnych pryboraŭ.
Kali haz vykarystoŭvajecca bieź ličylnika, taryfy buduć farmiravacca nastupnym čynam:
- 4,38 rubla — pry najaŭnaści hazavaj plity i centralnaha haračaha vodazabieśpiačeńnia abo niehazavaha indyvidualnaha vodanahravalnika;
- 12,6 rubla — pry najaŭnaści hazavaj plity i indyvidualnaha hazavaha vodanahravalnika (pry adsutnaści centralnaha haračaha vodazabieśpiačeńnia);
- 7,12 rubla — kali jość tolki hazavaja plita, a centralnaha haračaha vodazabieśpiačeńnia i indyvidualnaha hazavaha vodanahravalnika niama.
Hetyja sumy buduć štomiesiac spahaniacca z kožnaha. Kali ž ustanoŭleny indyvidualnyja hazavyja aciaplalnyja prybory, to za adzin kvadratny mietr ahulnaj płoščy žylla daviadziecca płacić 0,6872 rubla ŭ aciaplalny pieryjad i 0,2577 rubla letam.
Bałon zvadkavanaha hazu (21 kiłahram) ciapier budzie kaštavać 24,5 rubla pry kupli «u miežach normaŭ spažyvańnia».
Elektraenierhija
Za elektryčnuju enierhiju ŭ žyłych damach z elektraplitami i elektryčnymi varanymi panelami pa adnastavačnym taryfie daviadziecca płacić 0,2412 rubla za kVt·h.
Pa dyfierencyjavanym taryfie apłata budzie zaležać ad času spažyvańnia elektraenierhii.
Pastanova nabyvaje moc paśla jaje aficyjnaha apublikavańnia.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»26
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary