Hramadstva33

Kiraŭnik «Biełmiedtechniki», u haražy jakoha KDB znajšoŭ $620 tysiač chabaru, vyzvaliŭsia z kałonii i ŭładkavaŭsia na novuju pracu

Były dyrektar pradpryjemstva «Biełmiedtechnika» Alaksandr Šarak, jakoha ŭ 2020 hodzie sud pryhavaryŭ da 6,5 hoda kałonii, vyzvaliŭsia jašče ŭ 2022 hodzie. Ciapier jon pracuje ŭ śfiery, nie źviazanaj ź miedycynaj. Pra heta vydańnie «Lusterka» daviedałasia z aficyjnych danych ab miescach pracy, atrymanych z dapamohaj «Kibierpartyzanaŭ».

Ilja Karpovič i Aleksandr Šarak vo vriemia ohłašienija prihovora v sudie. Minsk, maj 2020 hoda. Foto: TUT.BY
Alaksandr Šarak (sprava) padčas ahučvańnia prysudu ŭ sudzie. Minsk, maj 2020 hoda. Fota: Tut.by

Zhodna z atrymanaj vydańniem infarmacyjaj, Šarak adbyvaŭ pakarańnie ŭ PK №3 «Vićba» (tudy časta nakiroŭvajuć byłych siłavikoŭ, sudździaŭ, biznesmienaŭ, a ciapier i palitviaźniaŭ).

Pavodle danych rejestraŭ, Šarak vyzvaliŭsia ŭ 2021 abo 2022 hodzie. Sa śniežnia 2022 hoda jon pačaŭ pracavać u TAA «Biełełtyka». Na jakoj mienavita pasadzie — nieviadoma. Pa rašeńni suda, na praciahu piaci hadoŭ jamu zabaroniena zajmać kiraŭničyja pasady.

«Biełełtyka» — heta biełaruskaja kampanija, jakaja zajmajecca vytvorčaściu i pastaŭkami elektratechničnaha abstalavańnia. Siarod jaje klijentaŭ — «Dyrekcyja pa budaŭnictvie Minskaha mietrapalitena», šmatfunkcyjanalny kompleks Minsk World.

Žurnalistka «Lusterka» patelefanavała ŭ pryjomnuju kampanii jak fizičnaja asoba. Tam paćvierdzili, što Šarak sapraŭdy tam pracuje. Na momant zvanka jon znachodziŭsia «na vytvorčaści».

Šaraka zatrymali 15 červienia 2018 hoda. Padčas zatrymańnia jon byŭ dyrektaram «Biełmiedtechniki» — pradpryjemstva, praź jakoje prachodziła bolš za 90% biudžetnych zakupak u śfiery achovy zdaroŭja. KDB zajaviŭ, što jon sistematyčna atrymlivaŭ chabar. U haražy mužčyny znajšli 620 tysiač dalaraŭ u tajniku.

U lipieni 2018 hoda Šarak pajšoŭ na papiaredniaje pahadnieńnie z uładami: pryznaŭ vinu, paviedamiŭ pra inšych fihurantaŭ i viarnuŭ niezakonnyja hrošy. Sud prachodziŭ u zakrytym režymie. Pryčyna — «asablivaja składanaść spravy» i «kamiercyjnaja tajna».

U vyniku hramadskaści dahetul nieviadomyja padrabiaznaści abvinavačańnia. Sud nie raskryŭ dakładnuju sumu chabaru. Dziaržavie pieradali 427 tysiač dołaraŭ i 75 tysiač jeŭra, kanfiskavanych padčas pieratrusu.

Prysud Alaksandr Šaraku abviaścili 11 maja 2020 hoda — 6,5 hoda pazbaŭleńnia voli.

Da suda jon amal dva hady znachodziŭsia pad vartaj, što «paskoryła» jahony termin. A ŭ 2021 hodzie pačała dziejničać novaja sistema zaliku: adzin dzień u SIZA ličycca jak paŭtara dnia ŭ kałonii ahulnaha abo ŭzmocnienaha režymu.

Akramia taho, da Šaraka mahło być prymieniena ŭmoŭna-daterminovaje vyzvaleńnie (UDV). Jaho asudzili pavodle č. 3 art. 430 KK (Atrymańnie chabaru). Heta asabliva ciažkaje złačynstva, tamu na UDV možna raźličvać paśla adbyćcia nie mienš za ¾ terminu.

Pavodle raźlikaŭ «Lusterka», Šarak moh źviarnucca pa UDV užo ŭ traŭni 2022 hoda. Kali b jon adbyŭ uvieś termin, vyzvaliŭsia b u śniežni 2023 hoda.

Uvohule ž pa toj spravie, pa jakoj sudzili Alaksandra Šaraka, jak zajaŭlaŭ KDB, fihurantami stali bolš za 60 čałaviek.

Siarod vysokapastaŭlenych abvinavačany byli namieśnik ministra achovy zdaroŭja Ihar Łasicki, dyrektar RNPC traŭmatałohii i artapiedyi Alaksandr Bialecki, dyrektar Centra ekśpiertyz i vyprabavańniaŭ u achovie zdaroŭja Alaksandr Stalaroŭ, kiraŭnik hałoŭnaha ŭpraŭleńnia achovy zdaroŭja Hrodzienskaha abłvykankama Andrej Stryžak, kiraŭnik vajskova-miedycynskaha ŭpraŭleńnia Ministerstva abarony Alaksiej Jaśkoŭ.

Kamientary3

  • Dasiahnieńni Łukašenki: Niaŭchilny rost karupcyi
    13.02.2025
    Za 30 hadoŭ kiravańnia "barca z karupcyjaj" Łukašenki pamiery chabaroŭ vyraśli da $620 tysiač dołaraŭ, a kolkaść chabarnikaŭ pa kožnaj spravie da 60 čałaviek.
  • 1
    14.02.2025
    Tiuŕma dla łukašienkovskich korrupcionierov eto kak połučiť stiepień mahistra v zapadnych stranach - prošieł jeje i opiať na rukovodiaŝije dołžnosti.
  • daviedka
    14.02.2025
    V jeho strukturu vchodił i podčiniałsia mładšij brat hienprokurora Švieda. )))

Ciapier čytajuć

Znojdziena cieła, mierkavana, supracoŭnicy viciebskaj «chimii» — jaje šukali dva z pałovaj hady

Znojdziena cieła, mierkavana, supracoŭnicy viciebskaj «chimii» — jaje šukali dva z pałovaj hady

Usie naviny →
Usie naviny

Niešta zaharełasia na zavodzie «Kieramin» VIDEA1

U Minsku razhladajuć prajekt treciaha transpartnaha kalca

Najstarejšy ŭ śviecie marafoniec zahinuŭ u DTZ u 114 hadoŭ

Čynoŭniki raskazali, jak zmahajucca z padtapleńniami ŭ Minsku

U Minsku adklučylisia śviatłafory na niekatorych skryžavańniach

Pad Minskam šnyryć hałodny voŭk, jaki źjaŭlajecca la padjezdaŭ vyklučna ŭviečary5

Dźmitryj Łukašenka źnik ź infarmacyjnaj prastory13

Upłyŭ Miełanii Tramp na muža byŭ niedaacenieny. Ukraina atrymała niečakanaha sajuźnika ŭ jaje asobie8

Na Minsk znoŭ abrynułasia trapičnaja zaleva, u Łošycy mašyny papłyli3

bolš čytanych navin
bolš łajkanych navin

Znojdziena cieła, mierkavana, supracoŭnicy viciebskaj «chimii» — jaje šukali dva z pałovaj hady

Znojdziena cieła, mierkavana, supracoŭnicy viciebskaj «chimii» — jaje šukali dva z pałovaj hady

Hałoŭnaje
Usie naviny →

Zaŭvaha:

 

 

 

 

Zakryć Paviedamić