Mody2222

Bolš nijakich ružovych kaściumaŭ. Styl Natalli Piatkievič źmianiŭsia kardynalna

Pieršaja namieśnica kiraŭnika Administracyi Łukašenki Natalla Piatkievič na publicy časta źjaŭlajecca va ŭsim čornym i lubić nasić banty. Stylistka Hanna Pryšyvałka raźbiraje jaje vobrazy i tłumačyć, čym jany adroźnivajucca ad tych, što Piatkievič nasiła padčas pracy z Łukašenkam u «nulavyja».

Vobrazy Natalli Piatkievič u pačatku «nulavych» mocna adroźnivajucca ad tych, jakija jana abiraje ciapier. Havorka pra trendavaść užo nie idzie.

«Ja nie adrazu zrazumieła, što heta adna i taja ž žančyna — nastolki mocna ŭ jaje źmianiŭsia tvar. Ad toj miakkaj i elehantnaj žančyny ŭ «nulavyja» amal ničoha nie zastałosia. Heta vielmi dziŭna. 

Fota: kp.by

Na starych fota jana vyhladaje pryhožaj, jaskravaj, dahledžanaj žančynaj, jakoj padabajecca jaje žyćcio.

Fota: Tut.by

U jaje tam sapraŭdy darahija i jakasnyja rečy, navat sumka «Birkin» (chacia heta moža być padrobkaj). Bačna, što tam usio padabrana z hustam, pasuje joj», — kamientuje Hanna Pryšyvałka. 

Ciapier Natalla Piatkievič, na dumku stylistki, abiraje adzieńnie, bližejšaje da biełaruskich čynoŭnic, i padbirajecca da stylu staršyni Savieta Respubliki Natalli Kačanavaj i eks-staršyni CVK Lidzii Jarmošynaj. Ale vobrazy Natalli Piatkievič asabliva vyłučajucca maskulinnaściu. 

«Kali znachodzišsia ŭ niejkim asiarodździ, mimavoli pačynaješ źlivacca ź im, hulać pa ich praviłach, — kaža Hanna. — Jana na sto adsotkaŭ adpaviadaje ŭjaŭleńniam ab tym, jak u Biełarusi pavinna vyhladać žančyna ŭ statusie. Ciapier jość ahresija, biezvychodnaść, vajaŭničaść. Mahčyma, źmianiŭsia jaje finansavy stan, tamu što ŭžo havorki pra darahija rečy nie idzie. Raniej joj było vielmi važna, jak jana vyhladaje. Ciapier taksama, ale jana zhubiła pačućcio svajho ŭłasnaha stylu».

Siarod niaŭdałych vobrazaŭ Piatkievič stylistka nazyvaje fijaletavuju spadnicu i roznakalarovuju kašulu.

Fota: SB. Biełaruś siehodnia

Udały ž — u błakitnym žakiecie.

Fota: Saviet Respubliki

U harderobie čynoŭnicy šmat rečaŭ čornaha koleru, lubić Piatkievič i błuzy z bantami. 

Fota: BiełTA

«Nie viedaju, ci robić jana heta śpiecyjalna, ale čorny pracuje jak umacavańnie jaje sacyjalnaj pazicyi «vajara», jana vajuje, abaraniajecca, zamacoŭvaje maskulinnaść. 

Fota: Biełta

Tak apranalisia žančyny ŭ 1980-1990-ja, u pačatku razvału Sajuza, asabliva pra heta śviedčać banty na jaje šyi i vobraz u sarafanie ź biełaj kašulaj. 

Fota: «Minsk-Naviny»

U suviazi z tym, što ja šmat pracuju ź ludźmi, viedaju, nakolki naša samaadčuvańnie adlustroŭvajecca ŭ tym, jak apranajemsia. Mnie zdajecca, što ŭ hetaj žančyny mocna źmianiŭsia ŭnutrany stan, jana zhubiła metu ŭ hetym śviecie», — miarkuje stylistka.

Razam z tym paśla svajho viartańnia Piatkievič stała adnoj z samych upłyvovych čynoŭnic pry Łukašenku. Jana hładka praviała kampaniju pa jaho «pieraabrańni». A muž Piatkievič — pradstaŭnik Biełarusi pry AAN Valancin Rybakoŭ, jaki ŭdzielničaŭ u arhanizacyi pieramovaŭ z amierykancami pa palitviaźniach, — moža paciaśnić Maksima Ryžankova na pasadzie ministra zamiežnych spraŭ.

Chočacie i dalej zastavacca ŭ kursie biełaruskich padziej? Vy možacie padtrymać «Našu Nivu» praz PayPal abo praz Buy Me a Coffee

A bolš pra Natallu Piatkievič hladzicie ŭ videafilmie «Našaj Nivy»:

Kamientary22

  • Vasil
    22.02.2025
    Nu tak nie maładucha ŭžo. Ciotka. Dy i biahučy palityčny momant patrabuje vyhladać, jak šeraja myška. Styl turemnaj roby.
    • daviedka
      22.02.2025
      Ona mładšie Miełanii Tramp, muž kotoroj horazdo staršie Valentina Rybakova.
  • Janka
    22.02.2025
    Mianie zaraz zvanituje. Imkniecca być stylnaj, navat vyciskać z sabie ŭłybku, ale ŭsio vydajuć pryžmuranyja vočy, u jakich zastyła permanientnaja złoba. Z uzrostam hetaje uražvańnie tolki ŭzmacniłasia
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

U Madrydzie rasstralali byłoha daradcu Janukoviča8

U Madrydzie rasstralali byłoha daradcu Janukoviča

Usie naviny →
Usie naviny

U Lidskim rajonie mužčyna žyŭcom spaliŭ svajho znajomaha

U Smalavickim rajonie žychary praciahvajuć zmahacca suprać sažałki dla adkidaŭ ź Minska3

Adzinaja hmina ŭ Polščy, dzie pieramoh Mencen, zasielenaja biełarusami. Ale hałasavali nie jany19

Stryječnaha brata biełaruskaha komika Idraka Mirzalizade prysudzili ŭ Azierbajdžanie da 18 hadoŭ źniavoleńnia1

«Moładź bolš dušeŭnaja i dobraja za nas». U Navapołacku dzieci samaarhanizavalisia, kab dapamahčy mužčynu, jaki ŭpaŭ, padniacca4

Łukašenka pachvaliŭsia, što jamu na dzień naradžeńnia padaryli ŭsiudychod23

Łukašenku prapanavali zdabyvać redkaziamielnyja elemienty z pramysłovych adkidaŭ6

U biełaruskich kramach źjaviŭsia pradukt «Dubaj». Padobny da maroziva, ale nie zusim jano13

Jeŭrasajuz pryniaŭ 17-y pakiet sankcyi suprać Rasii. U śpisie i Minski zavod kołavych ciahačoŭ9

bolš čytanych navin
bolš łajkanych navin

U Madrydzie rasstralali byłoha daradcu Janukoviča8

U Madrydzie rasstralali byłoha daradcu Janukoviča

Hałoŭnaje
Usie naviny →

Zaŭvaha:

 

 

 

 

Zakryć Paviedamić