U miascovych uładaŭ i AAT zabiaruć akcyi šerahu bankaŭ i pradpryjemstvaŭ
Urad rasparadziŭsia zabrać u miascovych uładaŭ i dziaržarhanizacyj akcyi niekatorych bankaŭ i arhanizacyj, farmalna jany piarojduć va ŭłasnaść Respubliki Biełaruś. Adpaviednaja pastanova apublikavanaja na Nacyjanalnym pravavym internet-partale.
Da 1 lipienia 2025 hoda akcyi šerahu bankaŭ i pradpryjemstvaŭ, jakija naležać rehijonam i dziaržarhanizacyjam, pavinny pierajści va ŭłasnaść dziaržavy. Siarod ich — doli ŭ nastupnych pradpryjemstvach:
- Biełahraprambank;
- Biełaruski bank raźvićcia i rekanstrukcyi «Bielinviestbank»;
- Biełaruski narodny bank;
- Śbier Bank;
- Aščadny bank «Biełarusbank»;
- Technabank;
- Babrujski harbarny kambinat;
- Biełaruski handlova-vystavačny i infarmacyjna-markietynhavy centr;
- Ahienctva źniešnieekanamičnaj dziejnaści;
- Ahratechpasłuha;
- Skidalski Cukarhandal;
- «Staličny praspekt».
Častka akcyj Bielinviestbanka, Biełarusbanka, Technabanka, a taksama BNB Banka ciapier naležać miascovym vykankamam z roznych rehijonaŭ i dziaržarhanizacyjam. Akcyi Śbier Banka ciapier znachodziacca ŭ rasparadžeńni «Minsktransa», ahienctva «Minsk-Naviny» i miascovych orhanaŭ ułady.
U dadatak da hetaha 635 752 akcyi Bielinviestbanka, jakija naležać samomu banku, taksama piarojduć va ŭłasnaść dziaržavy — ahulny košt hetych papier pieravyšaje 19 tysiač rubloŭ.
Da toj ža daty ŭsie akcyi Bielinviestbanka, jakija znachodziacca va ŭłasnaści dziaržavy, buduć pieradadzienyja Dziaržkamitetu pa majomaści. U śpisie dzieviać akcyjanieraŭ, najbujniejšy ź jakich — Biełaruski dziaržaŭny ŭniviersitet. Jon pieradaść akcyi na sumu 240 tysiač rubloŭ.
Da 28 lutaha va ŭłasnaść Respubliki Biełaruś svaje akcyi pavinien pieradać «Miensktelekambud», da 1 sakavika AAT «Aleksandryjskaje» pavinna pieradać va ŭłasnaść dziaržavy akcyi Škłoŭskaha masłarobnaha zavoda, a Aršanski rajon da 1 krasavika — akcyi Arechaŭskaha lnozavoda.
Ciapier čytajuć
U Sule adznačyli Kupalle. Haściej było stolki, što na darohach utvarylisia zatory6
Kamientary