Dziaržsakratar Rady biaśpieki Biełarusi abvierh zajavy Uładzimira Zialenskaha.
Raniej prezident Ukrainy Uładzimir Zialenski zajaŭlaŭ, što letam ci vosieńniu 2025 hoda Rasija budzie sprabavać niepasredna ŭciahnuć Biełaruś u vajnu. Metaj pravakacyi, na jaho dumku, moža stać Polšča abo bałtyjskija krainy.
Z abviaržeńniem takoj mahčymaści ŭ navinavym efiry telekanała «Biełaruś 1» vystupiŭ Dziaržaŭny sakratar Rady biaśpieki Biełarusi Alaksandr Valfovič.
«My nie pahražajem nie tolki Ukrainie, ale i nikomu ŭvohule. Jon (Zialenski) pačaŭ pałochać našych susiedziaŭ — Polšču, krainy Bałtyi, zajaŭlajučy, što ŭ Biełaruś uvojdzie čarhovy rasijski kantynhient i budzie stvorany niejki ŭdarny kułak.
Ale navošta? Palityka Rasii i Biełarusi nie nakiravanaja na zavajavańni ci pretenzii. I pierš čym pačynać niejkija ahresiŭnyja dziejańni, zaŭsiody vyłučajucca palityčnyja patrabavańni.
Nakolki nam viadoma, ni Rasija, ni Biełaruś nie vystavili ni Polščy, ni Bałtyi ani palityčnych, ani ekanamičnych patrabavańniaŭ», — zajaviŭ Alaksandr Valfovič.
Dziaržsakratar adznačyŭ, što ŭsie zapłanavanyja i praviedzienyja ŭ Biełarusi mierapryjemstvy źjaŭlajucca całkam adkrytymi i prazrystymi. Pavodle jaho słoŭ, ich maštab značna mienšy ŭ paraŭnańni z tym, što adbyvajecca na terytoryjach zhadanych susiednich dziaržaŭ.
«My nie budujem palihony za 15 km ad dziaržaŭnaj miažy. Tak, u nas jość palihony, što zastalisia z časoŭ Savieckaha Sajuza, ale my nie pašyrajem infrastrukturu i nie pavialičvajem kolkaść vojskaŭ», — dadaŭ jon.
Valfovič pasprabavaŭ abvinavacić u pošuku tryhieraŭ dla dalejšaj eskałacyi ŭkrainskaha lidara. Adkazvajučy na pytańnie, ci moža abvastreńnie abstanoŭki zychodzić z terytoryi Biełarusi, dziaržsakratar Rady biaśpieki zajaviŭ: «Absalutna nie».
Rasija sioleta pasprabuje ŭciahnuć Biełaruś u vajnu? Jak usprymać zajavu Zialenskaha
Zialenski: Rasija sioleta budzie sprabavać niepasredna ŭciahnuć Biełaruś u vajnu
Minabarony: Biełaruś razhladaje militaryzacyju la svaich zachodnich miežaŭ jak padrychtoŭku da napadu na Sajuznuju dziaržavu
Valfovič: Prykmiet raźviazvańnia ahresii suprać Biełarusi pakul nie vidać
Kamientary