Arhanizatary litaraturnaj aremii Hiedrojcia, jakoj hanarujecca najlepšaja biełaruskaja prazaičnaja kniha, abviaščajuć start novaha — čatyrnaccataha — siezonu i pačatak zboru zajavak na ŭdzieł, paviedamlaje bellit.info.
Chto moža naminavać?
Aŭtary i aŭtarki, vydaviectvy, tvorčyja abjadnańni, kulturnickija instytucyi, litaraturnyja ŚMI, siabry žury i arhkamitet.
Što novaha?
Z hetaha hoda naminavać na premiju možna aŭdyjaknihi, jakija vyjšli ŭpieršyniu pamiž 1 studzienia i 31 śniežnia 2024 hodf. Źviartajem vašuju ŭvahu, što knihi ŭ takim farmacie taksama musiać adpaviadać patrabavańniam udziełu ŭ premii. Siarod inšaha heta najaŭnaść numaru ISBN. Kali aŭdyjaknihi majuć papiarovyja vydańni, što vychodzili da hoda naminacyi, to bok nie źjaŭlajucca novymi knihami, jany nie prymajucca da ŭdziełu ŭ premii.
Kali padavać zajaŭki?
Start zboru zajavak — 26 lutaha
Apošni dzień pryjomu zajavak — 19 sakavika (da 23:59 biełaruskaha času).
Jak paŭdzielničać?
Dla ŭdziełu treba zapoŭnić śpiecyjalnuju formu pa spasyłcy. U vypadku techničnych pieraškod elektronnuju viersiju vašaj knihi abo aŭdyjaknihu razam z vokładkaj (u farmatach jpeg, jpg abo png) možna dasłać na elektronny adras arhanizataraŭ [email protected]. U temie lista paznačcie nazvu knihi i imia aŭtara/aŭtarki/aŭtaraŭ.
-
Vyjšła kniha šaržaŭ na Jakuba Kołasa i Janku Kupału
-
U novym biełaruskim vydaviectvie TAMAKA, jakoje choča zakryć nišu vizualnaha mastactva, vyjšła debiutnaje vydańnie
-
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj
Kamientary