Biełaruski ekspart tavaraŭ u studzieni ŭpaŭ adrazu na 11,5% da 2,726 miljardy dalaraŭ, piša Reform sa spasyłkaj na Biełstat. Impart pry hetym vyras na 1% da 3,23 miljardy dalaraŭ.
Zhodna abnoŭlenaj infarmacyi Biełstata, deficyt zamiežnaha handlu tavarami za studzień skłaŭ 504,3 miljony dalaraŭ, što ŭ 4,2 razy bolš, čym letaś.
U lutym stała viadoma, što składskija zapasy za studzień u biełaruskaj pramysłovaści vyraśli adrazu bolš čym na 1 miljard rubloŭ. Rezkaje zapavoleńnie ekspartu ŭ studzieni možna źviazać u tym liku z kalandarnym faktaram: z-za pieranosu vychadnych dzion na pieršy tydzień hoda vypaŭ tolki adzin pracoŭny dzień.
U handli z krainami SND ekspart u studzieni ŭpaŭ na 6,2% da 1,877 miljardy dalaraŭ, a impart źniziŭsia — na 4,4% da 1,82 miljardy dalaraŭ.
Praficyt handlu z krainami SND skłaŭ 62 miljony dalaraŭ, što na 40% mienš, čym hod tamu.
Pa-za SND ekspart upaŭ na 21,3% da 849 miljony dalaraŭ. Impart za studzień z hetych krainach pavialičyŭsia na 8,9% da 1,415 miljardy dalaraŭ. Deficyt źniešniaha handlu tavarami z krainami SND skłaŭ 566,3 miljony dalaraŭ, što 2,5 razy bolš, čym za pieršy miesiac 2024 hoda.
Kamientary