Uzbrojenyja siły Rasii vyjšli na administracyjnyja miežy Sudžy ŭ Kurskaj vobłaści i pačali šturm. U horadzie iduć bai — unutry znachodzicca kala 2000 bajcoŭ USU, mnohija ź ich ciažkaparanienyja, paviedamlajuć rasijskija ŚMI.
Rasijskija bajcy ŭvajšli ŭ Sudžu (pa administracyjnych miežach) z boku Kuryłaŭki, jakuju raniej uziali marpiechi z 810-j bryhady. Ukraincy ŭtrymlivali Sudžu z pačatku žniŭnia.
Šturm pačaŭsia siońnia ranicaj. U haradskich bajach udzielničajuć hrupa «Aida», 30-ty motastrałkovy połk, 11-ja bryhada Pavietrana-desantnych vojskaŭ i dobraachvotnickaje farmiravańnie «Vieterany». Inšyja častki farmirujuć «kacioł».
Pavodle rasijskich vajskoŭcaŭ, u Sudžy ŭ akružeńni znachodzicca kala 2000 bajcoŭ USU. U horadzie raniej žyło ŭsiaho 4—5 tysiač čałaviek. Pa danych The Times, u Sudžanskim rajonie znachodzicca da 10 tysiač ukrainskich vajskoŭcaŭ.
Ahułam u akružeńni, pavodle ŭkrainskich manitorynhavych ahienctvaŭ, moža znachodzicca kala 6300 bajcoŭ.
Pavodle infarmacyi Mash, rasijskija siły taksama pačali začystku Małoj Łokni, dzie zasieli sałdaty 95-j desantna-šturmavoj bryhady USU, a taksama Basoŭki. Jość prasoŭvańnie z boku Lebiadoŭki. Rasijanie ruchajucca ŭ bok Kazačaj Łokni.
Minabarony RF paviedamiła raniej ab uziaćci nasielenych punktaŭ Viktaraŭka, Mikałajeŭka i Staraja Saročyna ŭ Kurskaj vobłaści.
Ciapier čytajuć
«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ1
Kamientary
Vidać pierakinuli reziervy ŭ inšaje miesca
Ź Biełaruśsiu całkam toje samaje. Čchała Jeŭropa na nas. Jany ličać tolki hrošy i pavažajuć tolki moc. Tamu buduć damaŭlacca navat z fašystoŭcami, jak heta było ŭ historyi kožny raz.
pierad sudžaj jašče paru viesak było
i pra ich nijakich navin nie pastupała.
heta moža telehram-praryŭ.
byli ŭžo takija