Mody

U modzie japonski manikiur. Što heta?

Ciapier na piku papularnaści naturalny manikiur, asabliva jaho raznavidnaść — japonski manikiur. CityDog.io razabraŭsia, jak pravilna jaho rabić.

Japonski manikiur. Skrynšot videa: moltensea / TikTok

Što takoje japonski manikiur?

Japonski manikiur — heta pracedura pa dohladzie paznohciaŭ, jakaja robić ich naturalna hładkimi, zdarovymi i bliskučymi biez vykarystańnia łaku. U adroźnieńnie ad kłasičnaha piłačnaha manikiuru, dzie akcent robicca na formu paznohciaŭ i vydaleńnie kucikuły, japonski mietad nakiravany na hłybokaje adnaŭleńnie i nasyčeńnie.

Jaho možna rabić raz u dva-try tydni, i za hety čas paznohci nie hublajuć blasku i zastajucca mocnymi. Pry hetym praceduru robiać vyklučna naturalnymi srodkami, u asnovie jakich žeńšeń, rysavaje małako, pčaliny vosk i inšyja pažyŭnyja inhredyjenty.

Heta idealny varyjant dla tych, chto choča palepšyć stan paznohciaŭ paśla hiel-łaku abo prosta addaje pieravahu naturalnamu dohladu.

Watch on TikTok

Jak zrabić japonski manikiur?

Usio pačynajecca ź miakkaj apracoŭki paznohciaŭ, biez ahresiŭnaha śpiłoŭvańnia. Zatym na paznohcievuju płaścinu nanosicca śpiecyjalnaja minieralnaja pasta. Jana zapiačatvajecca bafam (asablivy instrumient dla nadańnia płaścinie hładkaści) abo palirovačnym błokam, z dapamohaj jakoha paznohciam nadajecca lustrany blask. U kancy nanosim pudru dla fiksacyi pažyŭnych kampanientaŭ i dadatkovaj abarony.

Pa žadańni źvierchu možna nanieści ŭmacavalny łak dla paznohciaŭ.

Jak zrabić idealny piłačny manikiur doma?

Kali vam nie chočacca zatłumlacca z pastami i pudrami japonskaha manikiuru, pasprabujcie stary dobry piłačny manikiur. Hałoŭny jaho sakret u tym, kab pry vykanańni nie cisnuć na kucikułu i vykarystoŭvać jakasnyja abraziŭnyja piłki zamiest kusačak abo nažnic. Źviartajcie ŭvahu na toje, kab ćviordaść piłki była ŭ rajonie 240-400 hryt (adzinka vymiareńnia ćviordaści dla manikiurnych piłak), nie mienš: u advarotnym vypadku možna traŭmavać naturalnuju paznohcievuju płaścinu.

Jašče adzin łajfchak — karystacca admysłovymi remuvierami (vydalalnikami) dla kucikuły. Jany ŭtrymlivajuć fruktovyja kisłoty abo ščołačnyja kampanienty, jakija bieražliva rastvarajuć arahaviełyja kletki. Kali remuviera niama, možna patrymać ruki ŭ ciopłaj vadzie z dadańniem aleju (aliŭkavaha, mindalnaha) abo skarystacca kremam dla kucikuły.

Kali kucikuła raźmiakčana, akuratna adsuńcie jaje apielsinavaj pałačkaj abo mietaličnaj pałačkaj. Dziejničajcie aściarožna, biez mocnaha nacisku, kab nie traŭmavać skuru i sami paznohci.

Jašče možna źlohku prajścisia pa ich pavierchni palirovačnym bafam. Heta nadaść paznohciam naturalny blask i zrobić paznohcievuju płaścinu bolš hładkaj.

Zaviaršalny etap — uvilhatnieńnie. Naniasicie alej dla kucikuły i dobra ŭvatrycie jaho, a zatym skarystajciesia pažyŭnym kremam dla ruk.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

U Madrydzie rasstralali byłoha daradcu Janukoviča8

U Madrydzie rasstralali byłoha daradcu Janukoviča

Usie naviny →
Usie naviny

U Lidskim rajonie mužčyna žyŭcom spaliŭ svajho znajomaha

U Smalavickim rajonie žychary praciahvajuć zmahacca suprać sažałki dla adkidaŭ ź Minska3

Adzinaja hmina ŭ Polščy, dzie pieramoh Mencen, zasielenaja biełarusami. Ale hałasavali nie jany19

Stryječnaha brata biełaruskaha komika Idraka Mirzalizade prysudzili ŭ Azierbajdžanie da 18 hadoŭ źniavoleńnia1

«Moładź bolš dušeŭnaja i dobraja za nas». U Navapołacku dzieci samaarhanizavalisia, kab dapamahčy mužčynu, jaki ŭpaŭ, padniacca4

Łukašenka pachvaliŭsia, što jamu na dzień naradžeńnia padaryli ŭsiudychod23

Łukašenku prapanavali zdabyvać redkaziamielnyja elemienty z pramysłovych adkidaŭ6

U biełaruskich kramach źjaviŭsia pradukt «Dubaj». Padobny da maroziva, ale nie zusim jano13

Jeŭrasajuz pryniaŭ 17-y pakiet sankcyi suprać Rasii. U śpisie i Minski zavod kołavych ciahačoŭ9

bolš čytanych navin
bolš łajkanych navin

U Madrydzie rasstralali byłoha daradcu Janukoviča8

U Madrydzie rasstralali byłoha daradcu Janukoviča

Hałoŭnaje
Usie naviny →

Zaŭvaha:

 

 

 

 

Zakryć Paviedamić