Biełaruski brend pradaje čepčyki i pinžaki z pupyrystaha polietylenu
A kaštuje niezvyčajnaje adzieńnie amal jak kryło samalota.
Biełaruski premijalny brend ZNWR prapanoŭvaje amataram niebanalnych stylovych rašeńniaŭ kalekcyju, u jakoj rečy vyhladajuć tak, byccam zrobleny z upakoŭki dla dalikatnych tavaraŭ. Darečy, u składzie adzieńnia sapraŭdy paznačana: 100% polietylen.
U kalekcyi Bubbles byli sukienka i pinžak. Na sajcie vytvorcy zajaŭlena: «Vielmi limitavana. Vyrablena ŭsiaho 20 ekskluziŭnych Bubbles Jacket i Bubble Dress».
A voś jak tłumačycca kancepcyja prazrystaj vopratki: «Aholenaja adčuvalnaść — toje, što sapraŭdy maje vahu ŭ kłapatlivym i šurpatym žyćci. Być sapraŭdnymi, bačnymi, prazrystymi i ščyrymi — voś sapraŭdnaja kaštoŭnaść». Jość taksama šmatznačny namiok, što ŭ takim adzieńni pary mohuć «pałopać» adno adnaho.
Zhodna ź infarmacyjaj na sajcie brenda, za niekalki miesiacaŭ pakupniki nabyli 5 žakietaŭ. A voś sukienak u najaŭnaści zastałosia ŭsiaho dźvie — i tyja ŭ Rasii. Kaštuje ekskluziŭ niatanna: 912 rubloŭ za pinžak i 677 za sukienku.
Pry hetym ceny padymali, bo dziesiać tydniaŭ tamu ŭ biełaruskim instahramie brenda pisali inšyja ličby: 380 rubloŭ za žakiet i 290 rubloŭ za sukienku.
Vypuskali Bubbles da śviatkavańnia Novaha hoda. Ale ciapier brend abiacaje, što ŭ chutkim časie źjavicca i novaja siezonnaja reč u kalekcyi — pupyrysty čepčyk dla viasieńnich daždžoŭ.
U kamientaryjach u instahramie brenda ŭžo pačalisia spabornictvy pa žartach. Na što pradstaŭniki ZNWR adkazvajuć: «Mastactva nie zaŭsiody treba razumieć, časam jaho treba adčuvać». Ale ž treba adznačyć, što i pazityŭnych kamientaryjaŭ chapaje.
Ciapier čytajuć
Hałyhina prymusili apraŭdvacca za zvarot da siłavikoŭ u 2020-m14
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary