Kolki ŭ Biełarusi kaštujuć tabi — modny abutak, jaki šmat u kaho asacyjujecca z kapytami
Biełaruski žartujuć, što, nabyŭšy tabi-«kapyty», možna i z mužam raźvieścisia, bo nie ŭ kožnaha serca vytrymaje takuju modu. Ale ŭ Biełarusi isnuje brend, jaki ich vyrablaje. Što ž heta za dziŭny abutak?
Historyja tabi naličvaje nie adno stahodździe. Źjavilisia jany ŭ Japonii i pieršapačatkova ŭjaŭlali saboj skuranyja škarpetki. Śpiecyfičnaja forma źjaviłasia nie vypadkova — škarpetki, u jakich vialiki palec adździeleny ad inšych, zručna było nasić z tradycyjnymi sandalami.
Tabi abaviazkova nasili ŭ teatrach, bo być u abutku nie dazvalałasia ni akcioram, ni hledačam. A jašče, naprykład, padčas čajnych cyrymonij.
Paźniej źjavilisia i vuličnyja viersii tabi (dzika-tabi — u pierakładzie «tabi, jakija datykajucca da ziamli»), u jakich była padešva. Ich zvyčajna nasili fiermiery, budaŭniki. Vuličnyja tabi byli ŭžo bolš padobnymi da abutku.
Suśvietna papularnymi tabi zrabiŭ bielhijski modny dom Maison Margiela, kali ŭ 1989 hodzie pačaŭ vypuskać svaju, bolš sučasnuju viersiju botaŭ-«kapytoŭ».
Ciapier na aficyjnym sajcie Maison Margiela tufli-tabi kaštujuć kala tysiačy dalaraŭ, batyljony-tabi — 1500 dalaraŭ, boty-tabi — bolš za 2 tysiačy dalaraŭ. Ale jość i asobnyja madeli, jakija kaštujuć daražej za 7 tysiač dalaraŭ.
U Minsku taksama možna nabyć firmovyja tabi ad Maison Margiela. Ceny ŭ kramie, jakaja handluje imi, roznyja. Naprykład, bieź źnižki tufli-tabi možna nabyć za 2200-2500 rubloŭ. Za batyljony-tabi daviadziecca addać prykładna 2000-2400 rubloŭ. Jość navat šlopancy-tabi za 882 rubli.
Hučyć davoli ekzatyčna, ale ŭ Biełarusi jość brend, jaki šyje tabi na zamovu. Heta The Inka store. U instahramie brenda raskazvajecca, što pracu nad ułasnymi tabi jany pačali jašče ŭ 2022 hodzie. Za dva hady było vykinuta šmat probnych par i kałodak. Paśla kansultacyi z artapiedami vyrašyli, što aptymalnaja vyšynia abcasa — 4 santymietry. Śćviardžajecca, što mienavita jana źjaŭlajecca najbolš fizijałahičnaj, a sama forma tabi dapamahaje ŭ prafiłaktycy zdaroŭja stupniaŭ.
Na pašyŭ adnoj pary takoha niezvyčajnaha abutku patrabujecca dva pracoŭnyja dni i čatyry supracoŭniki. Kožnaja para tabi składajecca z 14 častak.
Asobnaj sprytnaści patrabuje praces zaciažki tabi — heta składanaja i karpatlivaja praca. U krainie nie tak šmat śpiecyjalistaŭ, jakija mohuć uručnuju zaciahnuć skuru pamiž palčykami, vyrazać padešvu.
Sioleta The Inka store pačali pradavać tabi-boty. Ceny — 690 rubloŭ za paru. Raskupili pieršuju partyju davoli chutka.
U Minsku pastavili «čaravikamaty» — što heta takoje i jak jany pracujuć?
Koń i «Džyli» na podyumie: u Minsku prajšło modnaje šou, dzie haściej prasili adziecca pa dres-kodzie
U kanfiskacie Homiela źjaviŭsia luksavy abutak — krasoŭki amal za 4 tysiačy rubloŭ. Žychary ŭražanyja
«Nichto nie zmoh zavieźci tavar». Kramy polskaha abutku Wojas usio ž zakryvajucca
Ciapier čytajuć
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ3232
Kamientary