Hramadstva4444

«Suprać režymu musić być poŭnaja błakada». Palina Šarenda-Panasiuk vystupiła z vostraj pramovaj u Jeŭraparłamiencie

U francuzskim Strasburhu 11 sakavika adbyłasia admysłovaja plenarnaja siesija Jeŭraparłamientu, pryśviečanaja Mižnarodnamu dniu žančyn. Pierad pryblizna 700 parłamientaryjami vystupili Śviatłana Cichanoŭskaja i niadaŭna vyzvalenaja byłaja palitźniavolenaja Palina Šarenda-Panasiuk. Pramova Šarendy-Panasiuk była vielmi vostraj i ćviordaj, piša «Biełsat».

Palina Šarenda-Panasiuk na trybunie Jeŭraparłamienta. Skrynšot ź videa

Palina Šarenda-Panasiuk skazała ŭ svajoj pramovie, što jana čatyry hady była zakładnicaj režymu Łukašenki i «prajšła praź piekła turmaŭ dyktatara, jaki ŭ niaźmiennym vyhladzie zachavaŭ mietady fizičnaha i psichičnaha vyniščeńnia stalinskaha HUŁAHu».

«Čatyry hady poŭnaj izalacyi ad śvietu, ad dziaciej i rodnych. Čatyry hady adzinočnych kamieraŭ, pierasylnych vahonaŭ, 270 dzion ŠIZA — miescaŭ izalacyi i katavańniaŭ. Ale ja vytrymała i vyjšła na svabodu».

Byłaja palitźniavolenaja padkreśliła, što ciapier na voli ŭ tym liku dziakujučy pryncypovaj pazicyi deputataŭ Jeŭraparłamienta. Jana asobna padziakavała prezidentcy Jeŭraparłamienta Rabiercie Mietsoła za ŭsie zachady, zroblenyja dziela jaje, Paliny, vyzvaleńnia. Mietsoła padčas źniavoleńnia Paliny Šarendy-Panasiuk była jaje jeŭrapiejskaj «chrosnaj».

Palina nahadała, što za kratami ŭsio jašče zastajucca tysiačy inšych palitviaźniaŭ, siarod jakich — jaje paplečniki z ruchu «Jeŭrapiejskaja Biełaruś»: Jaŭhien Afnahiel, Maksim Viniarski, Andrej Vojnič, Pavieł Juchnievič.

«Šmat pra kaho z palitviaźniaŭ niama źviestak užo bolš za dva hady, jak pra adnaho ź lidaraŭ biełaruskaj nacyi Mikołu Statkieviča. Nieviadoma, ci ŭvohule žyvy jon. Katastrafičnaje stanovišča ŭ žančyn-palitźniavolenych: Viktoryi Kulšy, Aleny Hnauk, Volhi Majoravaj. Ja vielmi tryvožusia za ichniaje žyćcio», — kazała Palina Šarenda-Panasiuk.

Byłaja palitźniavolenaja zaklikała nie vieryć biełaruskim uładam, što palitviaźni nibyta vypuskajucca praz humanizm.

«Nie. Ź ludziej katavańniami vybivajuć prašeńni da Łukašenki ab pamiłavańni, prymušajuć davać «pakajannyja» intervju i padpisvać papiery pra supracu z KDB. Ludziej kalečać, šantažujuć, pahražajuć ciskam na svajakoŭ, zabirajuć dziaciej i majomaść. Sotni tysiač biełarusaŭ pad pahrozaj novych represijaŭ byli vymušanyja ŭciakać z krainy», — kazała žančyna.

Palina Šarenda-Panasiuk zaklikała Jeŭraparłamient da ŭzmacnieńnia realnaha cisku na režym, nie tolki praz uviadzieńnie novych sankcyjaŭ i daskanałaha kantrolu nad ich ažyćciaŭleńniem:

«Suprać režymu Łukašenki musiać być uviedzienyja poŭnaja błakada i handlovaje embarha. Praz kancłahier pad nazvaju Biełaruś nie pavinna być anijakaha tranzitu tavaraŭ, što iduć u Jeŭropu z Kitaju i inšych krainaŭ Uschodu. Režym pavinien zrabicca poŭnym izhojem u palityčnym, ekanamičnym i spartyŭnym płanie».

«Biez volnaj Biełarusi isnavańnie svabody i demakratyi ŭ Jeŭropie zaŭždy budzie pad pahrozaju, u tym liku rasijskaj ahresii. Taksama pieramoha va Ukrainie nie budzie mahčymaj i poŭnaj biez svabodnaj Biełarusi. […] My zmahajemsia za tyja kaštoŭnaści, na jakich zasnavany Jeŭrasajuz. U hetaj baraćbie nam patrebnaja vaša dapamoha», — padsumavała skazanaje Šarenda-Panasiuk.

Kamientary44

  • Pył
    11.03.2025
    Kab było razumieńnie, što takoje hety psieŭda-Parłamient: [Red. vydalena]
    Tudy vysyłajuć frykaŭ i piensaŭ čynoŭnikaŭ, niepatrebnych na radzimie. Nijakich rašeńniaŭ tam nie prymajecca!
    Heta mienavita adtul nam viešajuć łuchtu pra vialikuju zaniepakojenaść, kab "niezaležnyja" ŚMI nas supakojvali. Spravy robiacca kožnaj krainaj, jak im treba.
    Kab błakavać Biełaruś, dastatkova prosta damovicca z Polščaj i Litvoj - USIO. Ale jany nie pojduć na heta, bo hrošy nia majuć pachu!

    [Zredahavana]
  • Don
    11.03.2025
    Jeŭrasajuzu - heta ŭsio da adnaho miesta. Treba Palinie jechać da Donalda, jon užo astanaŭlivaja vajnu va Ŭkrainie.
  • Vasil
    11.03.2025
    Jakija sankcyi pryviali da vyzvaleńnia Šarendy-Panasiuk?

Ciapier čytajuć

U Izraili 1 zahinuŭ, 40 paranienych ad iranskaj balistyki. Pačałasia treciaja chvala ŭdaraŭ pa Iranie1

U Izraili 1 zahinuŭ, 40 paranienych ad iranskaj balistyki. Pačałasia treciaja chvala ŭdaraŭ pa Iranie

Usie naviny →
Usie naviny

U Maładziečnie 13-hadovaja dziaŭčynka zakachałasia ŭ 16-hadovaha staršakłaśnika. Usio skončyłasia sumna14

Samalot ź Minska ŭ Dubaj ekstranna sieŭ u Baku

Izrailskija ŚMI: jadzierny reaktar u iranskim Natanzie źniščany daščentu12

Kamu ź biełaruskich dziaciej nielha vučycca za miažoj? Minadukacyi prakamientavała našumieły zakon3

Prapahandyst Ihar Tur vyrašyŭ pierasialicca bližej da Astrašyckaha Haradka20

Cichanoŭskaja pra kiejs Mielnikavaj: Situacyja strašnaja32

U Polščy zatrymali afhanca, jaki dumaŭ, što jon u Paryžy. Tak jamu skazaŭ pravadnik, što supravadžaŭ ad miažy Biełarusi3

Jakija časy, takija i prezienty: u biełaruskich aptekach možna nabyć padarunkavyja siertyfikaty1

Izrail zadziejničaŭ dla ŭdaraŭ pa Iranie 200 samalotaŭ2

bolš čytanych navin
bolš łajkanych navin

U Izraili 1 zahinuŭ, 40 paranienych ad iranskaj balistyki. Pačałasia treciaja chvala ŭdaraŭ pa Iranie1

U Izraili 1 zahinuŭ, 40 paranienych ad iranskaj balistyki. Pačałasia treciaja chvala ŭdaraŭ pa Iranie

Hałoŭnaje
Usie naviny →

Zaŭvaha:

 

 

 

 

Zakryć Paviedamić