Minčuk aburyŭsia kantynhientam u staličnym mietro: Usie z novymi ajfonami, ale nie mohuć dazvolić sabie tannuju mašynu ci pajezdki na taksi?
Chłopcu chutka patłumačyli asnovy bytavoj ekanomii i ŭrbanistyki.
22-hadovy minčuk Ženia (@zhi.chko) apublikavaŭ u Threads pravakacyjny dopis, u jakim padzialiŭsia svaimi nazirańniami ź minskaha mietro:
«U 7 z 8 ludziej iPhone, pryčym zusim nie staryja madeli (u mianie biudžetny Samsung). Nie padumajcie, ja nie zajzdrošču i nie liču biednymi tych, chto jeździć u mietro, ale nijak nie ŭkładvajecca ŭ mianie ŭ hałavie, što ludzi, jakija mohuć dazvolić sabie telefon ad $1000 (źviarnicie ŭvahu, ich bolšaja častka ŭ vahonie), nie mohuć dazvolić sabie tannuju mašynu abo pajezdki na taksi».
Dopis sabraŭ sotni kamientaroŭ, u jakich ludzi pa punktach razabrali ŭsie sprečnyja śćviardžeńni maładoha chłopca.
Pa-pieršaje, chłopcu nahadali, što ajfon nie abaviazkova pavinien być apošniaj madeli: iPhone 14, jaki vyjšaŭ u 2022 hodzie, možna nabyć za 600 dalaraŭ, što pa kišeni mnohim žycharam stalicy i nie kaža ničoha pra ich zamožnaść.
Pa-druhoje, navat kali telefon i kaštuje bolš za 1000 dalaraŭ, to prystojnaja mašyna kaštuje ŭ dziasiatki razoŭ bolš — 15-20 tysiač dalaraŭ. Na ajfon možna naźbirać i kupić, a kab kupić mašynu, to treba brać kredyt — heta absalutna rozny ŭzrovień adkaznaści i dastatku.
Akramia taho, mašynu, navat samuju tannuju, treba čymści zapraŭlać, ramantavać, myć, płacić admysłovy padatak, a ŭ ajfonie za niekalki hadoŭ — maksimum zamianić zaścierahalnaje škło.
Ale hałoŭnaje — raźvity hramadski transpart, asabliva mietrapaliten, u vialikich haradach kudy bolš zručny i tanny za ŭłasny aŭtamabil i taksi.
«Pra zatory nie čuli, pra łahistyku? Adkryju vam strašnuju tajamnicu Minska (dy i luboha niemałoha horada): kali žyvieš pobač ź mietro i praca taksama pobač ź mietro, to na mietro chutčej, zručniej i tańniej, čym na aŭto. I ŭjaŭlajecie, u Ńju-Jorku ŭ mietro jeździać navat bahatyja biznesmieny!» — adkazała na dopis adna z kamientatarak.
«Chłopčyk žyvie ŭ ružovych akularach, jon nie vielmi razumieje košt aŭto i jaho absłuhoŭvańnia, pytańnie parkoŭki. Kali pracuješ u centry abo pobač — heta žach, navat za hrošy składana znajści miesca. A jašče mašynu treba zapraŭlać, i navat samaja ekanamičnaja małalitražka ź minimalnym raschodam abydziecca za miesiac daražej, čym mietro», — dadała inšaja.
«Patracić 90 kapiejek i krychu bolš času na mietro ci 20 rubloŭ i trochi mienš času na taksi? Nie kažučy ŭžo pra asabisty aŭtamabil, jaki źjadaje šmat hrošaj. Što da samoha iPhone, to heta moh być padarunak. Niekatoryja telefony na Android mohuć kaštavać navat daražej».
Pryhadali i vypadki, kali vybar na karyść aŭto ŭ Minsku akazaŭsia najhoršym varyjantam:
«Byli kvitki ŭ teatr u centry Minska. Pramilhnuła dumka pakinuć mašynu na Uschodzie i pajechać na mietro viečaram u piatnicu. Ale ŭ vyniku hadzinu kružylisia ŭ centry, na parkoŭkach mašyny stajali ledź nie adna na dachu inšaj. U teatr u vyniku nie paśpieli».
Chłopca zapadozryli ŭ miestačkovaści i elemientarnaj zajzdraści, bo fokus jaho ŭvahi źmieščany na košt telefonaŭ ludziej u mietro.
Navat majučy ajfon, dobruju pracu i aŭtamabil, jak adznačajuć karystalniki Threads, mnohija jeździać na hramadskim transparcie, bo jon zakryvaje bolšuju častku patrebaŭ za minimalny košt. «Karona nie spadaje», — pišuć kamientatary pad dopisam. A taksi, kažuć jany, patrebnaje tolki kali treba kudyści chutka dajechać abo ŭ rajonie nie vielmi dobra naładžany hramadski transpart.
Chłopiec pahadziŭsia z tym, što na mietro tańniej i zručniej, ale kali ŭ čas pik jamu na hałavu załazić mužyk ź pieraharam, to jon zadumvajecca pra pajezdki na taksi ci na mašynie, vidać, nie majučy pakul na heta finansavych mahčymaściej. Ale čamu ludzi z darahimi ajfonami nie robiać taki vybar — zastałosia dla jaho niezrazumiełym.
«Naša Niva» — bastyjon biełaruščyny
PADTRYMAĆ
Kamientary