Minimum piać čałaviek zahinuli. Taksama pra ataku rasijskich dronaŭ paviedamili ŭ vajennaj administracyi Kijeŭskaj vobłaści.
U Adesie rasijski ŭdar pryjšoŭsia pa partovaj infrastruktury, čatyry čałavieki zahinuli. Usie jany — hramadzianie Siryi, napisaŭ u svaim telehram-kanale vice-premjer-ministr pa adnaŭleńniu Ukrainy Alaksiej Kuleba.
«Samamu małodšamu zahinułamu było 18, samamu starejšamu — 24 hady. Jašče dva čałavieki atrymali ranieńni — ukrainiec i siryjec. Im akazvajecca nieabchodnaja dapamoha», — udakładniŭ jon.
U momant udaru adno z paškodžanych sudnaŭ zahružała pšanicu dla ekspartu ŭ Ałžyr. Taksama paškodžana jašče adno sudna, pryčały i składy, napisaŭ Kuleba.
U Kryvym Rozie praz abstreł ranieńni atrymali 15 čałaviek, dzieviać ź ich znachodziacca ŭ ciažkim stanie. Pa słovach načalnika miascovaj AVA Siarhieja Łysaka, adna 47-hadovaja žančyna zahinuła.
«Pad prycełam byli hramadzianskija abjekty. Źniaviečanyja infrastruktura, šmatpaviarchoviki, administratyŭnyja budynki, aŭtobusy, haražy, bolš za paŭtara dziasiatka lehkavych aŭtamabilaŭ, kramy, navučalnaja ŭstanova. Pažary, jakija ŭźnikli z-za trapleńnia, užo patušyli», — dadaŭ Łysak.
U Charkavie rasijski dron patrapiŭ pamiž pryvatnymi budynkami ŭ Šaŭčenkaŭskim rajonie horada, paviedamiŭ mer horada Cierachaŭ.
Učora Uładzimir Zialenski paviedamiŭ, što pa vynikach pieramoŭ delehacyj Ukrainy i ZŠA ŭ Saudaŭskaj Aravii Ukraina hatova na spynieńnie ahniu na 30 dzion, kali na heta pojdzie Rasija.
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary