Sanepidemsłužba znajšła parušeńni ŭ 77 dziciačych zabaŭlalnych centrach Minska
Sanepidsłužba stalicy zaniałasia pravierkaj dziciačych zabaŭlalnych centraŭ, raźmieščanych u handlova-zabaŭlalnych kompleksach. Bolšaść ź ich pracuje z parušeńniami, paviedamili ŭ aficyjnym kanale Minskaha haradskoha centra hihijeny i epidemijałohii.
U lutym śpiecyjalisty sanepidsłužby pravieryli 13 z 20 centraŭ, jakija dziejničajuć na bazie bujnych handlovych centraŭ Minska.
Parušeńni sanitarna-epidemijałahičnych normaŭ vyjaŭleny ŭ 10 ź ich, što składaje 77% ad ahulnaj kolkaści pravieranych abjektaŭ.
Heta — niedastatkovaja apracoŭka hulniavoha abstalavańnia i dezynfiekcyja, niezdavalniajučy sanitarna-hihijeničnaje stanovišča pamiaškańniaŭ, invientara i abstalavańnia.
U niekatorych centrach arhanizavana hramadskaje charčavańnie, ale i tut znojdzieny parušeńni.
Siarod asnoŭnych prablem u śfiery charčavańnia — parušeńnie ŭmoŭ zachoŭvańnia praduktaŭ i syraviny, a taksama adsutnaść miedycynskich daviedak u piersanału.
Sanepidsłužba praciahvaje manitorynh dziciačych zabaŭlalnych centraŭ i rekamienduje baćkam być uvažlivymi pry vybary takich ustanoŭ.
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary