Pieramovy Rasii i ZŠA ŭ Er-Ryjadzie zaviaršylisia, pra vyniki paviedamiać zaŭtra
Sustreča amierykanskaj i rasijskaj delehacyj u stalicy Saudaŭskaj Aravii praciahvałasia bolš za 12 hadzin, pra jaje zaviaršeńnie paviedamiła MZS Rasii.
Ahienctva «RIA Novosti» piša sa spasyłkaj na svaju krynicu, što sumiesnaja zajava Rasii i ZŠA pa vynikach pieramoŭ budzie apublikavanaja 25 sakavika.
Dziarždepartament ZŠA ličyć, što Rasija i Ukraina blizkija da poŭnaha spynieńnia ahniu, zajaviła kiraŭnica pres-słužby Dziarždepu Temi Brus.
Rasijski bok na pieramovach, jakija nazvali «techničnymi kansultacyjami», pradstaŭlali staršynia kamiteta Savieta Fiederacyi pa mižnarodnych spravach Hryhoryj Karasin i daradca dyrektara FSB Siarhiej Biasieda. U skład amierykanskaj delehacyi ŭvajšli dyrektar pa palityčnym płanavańni Dziarždepu Majkł Enton, staršy dyrektar pa Jeŭropie ŭ Radzie nacyjanalnaj biaśpieki Endru Pik, a taksama pamočniki śpiecyjalnaha pasłanca pa Ukrainie Kita Kiełaha i daradcy Trampa pa nacyjanalnaj biaśpiecy Majka Uołca.
Aficyjna anansavałasia, što nibyta hałoŭnym pytańniem, jakoje abmiarkoŭvałasia padčas hetych pieramovaŭ, było zabieśpiačeńnie biaśpieki marskich pieravozak.
«My zychodzim z taho, što siońnia na paradku dnia pytańnie «čarnamorskaj inicyjatyvy» i ŭsich źviazanych tem z adnaŭleńniem hetaj inicyjatyvy, heta była prapanova prezidenta Trampa, i prezident Pucin daŭ na heta zhodu. Voś mienavita z takim mandatam naša delehacyja adpraviłasia ŭ Er-Ryjad»,— paviedamlaŭ presie pres-sakratar Pucina Dźmitryj Piaskoŭ.
Amierykanski bok ličyć sustreču ŭ Er-Ryjadzie padrychtoŭkaj da pieramoŭ, na jakich buduć abmiarkoŭvacca pytańni padziełu terytoryi Ukrainy i ŭmovy budučaha miru.
Sustrečy pradstaŭnikoŭ Maskvy i Vašynhtona papiaredničali šaścihadzinnyja pieramovy delehacyj ZŠA i Ukrainy 23 sakavika, na jakich abmiarkoŭvałasia realizacyja prapanovy pa abaronie enierhietyčnych abjektaŭ i krytyčnaj infrastruktury.
Rasija na pieramovach u Saudaŭskaj Aravii patrabuje ŭsiu terytoryju čatyroch ukrainskich abłaściej
Zialenski: Z Trampam abmiarkoŭvali pieradaču ZŠA Zaparožskaj AES
Hiensak NATA «całkam vieryć» u zdolnaść Trampa damovicca pra mir va Ukrainie
Uitkaf pra akupavanyja ŭkrainskija terytoryi: Pieravažnaja bolšaść ludziej pakazała, što choča być pad uładaj Rasii
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram11
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1818
Kamientary