«Jon dobry čałaviek». Tramp nie staŭ zvalniać svajho daradcu paśla ŭciečki infarmacyi ŭ čat Signal
Prezident ZŠA Donald Tramp zajaviŭ, što ŭciečka źviestak pra ŭdary pa jemienskich chusitach u čacie, arhanizavanym daradcam u nacbiaśpiecy Biełaha doma Majkłam Uołcam, nie mieła značnych nastupstvaŭ. Tamu jon zastajecca na svajoj pasadzie.
«Majkł Uołc zasvoiŭ urok, i jon dobry čałaviek», — zajaviŭ Donald Tramp u intervju NBC News.
Pra ŭciečku stała viadoma paśla taho, jak hałoŭred vydańnia The Atlantic Džefry Hołdbierh raskazaŭ, što čynoŭniki Biełaha doma vypadkova ŭklučyli jaho ŭ pierapisku ŭ miesiendžary Signal. Vysokapastaŭlenyja asoby administracyi ZŠA, u pryvatnaści, abmiarkoŭvali ataki na pazicyi chusitaŭ u Jemienie.
Tramp padkreśliŭ, što prysutnaść žurnalista ŭ zakrytym abmierkavańni płanaŭ amierykanskich uładaŭ nijak nie paŭpłyvała na praviadzieńnie vajennaj apieracyi.
Adkazvajučy na pytańnie, jak jamu patłumačyli toje, jak Hołdbierh trapiŭ u čat u Signal, Tramp adkazaŭ: «Na telefonie byŭ adzin ź ludziej Majkła. U supracoŭnika byŭ jaho (Hołdbierha) numar».
Prezident ZŠA vykazaŭ upeŭnienaść u svajoj kamandzie, zajaviŭšy, što jon nie rasčaravany padziejami, jakija pryviali da źjaŭleńnia artykuła ŭ The Atlantic. Situacyja, pa słovach Trampa, była «adzinym zbojem za dva miesiacy, i toj akazaŭsia niesurjoznym».
Paśla paviedamleńniaŭ pra ŭciečku niekatoryja amierykanskija ŚMI dapuskali, što Uołc budzie źniaty z pasady. Ale Tramp vyrašyŭ inakš.
Majkł Uołc zajmaje pasadu daradcy prezidenta ZŠA pa nacyjanalnaj biaśpiecy sa studzienia.
Azaronak napisaŭ pra palitemihranta — paśla hetaha brata i baćku taho kinuli za kraty2
Azaronak napisaŭ pra palitemihranta — paśla hetaha brata i baćku taho kinuli za kraty
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie66
Kamientary
Ich diejstvija pokazyvajut vysšuju stiepień niekompietientnosti i nieobrazovannosti administracii trampa, vpročiem, kak i vsiech administracii łukašienko.
Imiejem podbor kadrov po ličnoj priedannosti patronu, a nie po profieśsinalizmu i kompietiencijam.
V principie, administracija łukašienko i lično łukašienko, dołžny byť dovolny takim połožienijem dieł, kak vnutri SŠA, tak i riezultatom diejatielnosti administracii trampa vnie SŠA.