Łukašenka zvolniŭ čynoŭnicu, jakaja kiemaryła padčas jahonaj inaŭhuracyi
Z pasady kiraŭnika spraŭ Homielskaha abłvykankama była zvolnienaja Alena Kličkoŭskaja. Na jaje miesca pryznačany Alaksiej Vasiučenka, jaki da hetaha niadoŭha pracavaŭ kiraŭnikom administracyi Navabielickaha rajona Homiela — mienš za hod, piša «Fłahštok».
Na aficyjnym sajcie abłvykankama Kličkoŭskaja pakul jašče značycca jak kiraŭnica spraŭ.
Pryčyna zvalnieńnia aficyjna nie nazvana, adnak źviestki pra toje, što Kličkoŭskaja dramała padčas inaŭhuracyi Alaksandra Łukašenki, vyklikali šyrokaje abmierkavańnie. Pavodle infarmacyi, padčas tranślacyi režysioru daviałosia pieraklučyć kamieru, kab nie pakazvać čynoŭnicu, jakaja «kluje nosam».
Ci stała hetaja situacyja pryčynaj jaje zvalnieńnia — pakul nieviadoma.
Pakul Kličkoŭskaja zastajecca staršynioj Homielskaj abłasnoj arhanizacyi praŭładnaha Sajuza žančyn, ale dalejšy jaje los u sistemie ŭłady moža stać pakazalnym. Ci buduć suprać jaje ŭžyty inšyja sankcyi — pakaža čas.
Filipienka raskazaŭ, ad kolkich svaich knih admoviŭsia b i čamu pradaŭ «Tesłu»2
Kamientary