Na palihonie ŭ Litvie znajšli dakładnaje miescaznachodžańnie zatanułaj mašyny z amierykanskimi vajskoŭcami
U piatnicu praciahvałasia pošukava-vyratavalnaja apieracyja na palihonie ŭ Padbrodździ ŭ Litvie, dzie padčas vučeńniaŭ zatanuła husieničnaja mašyna z čatyrma amierykanskimi vajskoŭcami.
Major Litoŭskaj armii Kiastucis Pilipavičus paviedamiŭ, što ŭ apieracyi zafiksavany prahres, piša Delfi.lt.
U piatnicu stała viadoma dakładnaje miescaznachodžańnie mašyny: «Ustalavana dakładnaje miescaznachodžańnie abjekta, praciahvajucca raboty pa spynieńni pastupleńnia vady».
Armiejcy praciahvajuć pracu pa vydaleńni hleju, kab dajviery mahli pačać svaju častku apieracyi. «Meta — pieratvaryć hraź u vadu, tady zmohuć pracavać vadałazy. Praca praciahvajecca bieź pierapynku», — skazaŭ Pilipiavičus.
«Siońnia byŭ dasiahnuty značny prahres. Kali ŭ subotu rabota budzie vieścisia ŭ takim ža tempie, to prahres budzie jašče bolšy», — skazaŭ pradstaŭnik armii ŭ kamientary LRT.
«Pavodle majoj infarmacyi, jak našy vadałazy, tak i vajskoŭcy sajuźnikaŭ zdolnyja pracavać i ŭ dzionny, i ŭ načny čas. Usio budzie zaležać ad taho, jak buduć prachodzić raboty pa adpampoŭcy brudu i hleju», — padkreśliŭ jon.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary