На палігоне ў Літве знайшлі дакладнае месцазнаходжанне затанулай машыны з амерыканскімі вайскоўцамі
У пятніцу працягвалася пошукава-выратавальная аперацыя на палігоне ў Падброддзі ў Літве, дзе падчас вучэнняў затанула гусенічная машына з чатырма амерыканскімі вайскоўцамі.
Маёр Літоўскай арміі Кястуціс Піліпавічус паведаміў, што ў аперацыі зафіксаваны прагрэс, піша Delfi.lt.
У пятніцу стала вядома дакладнае месцазнаходжанне машыны: «Усталявана дакладнае месцазнаходжанне аб’екта, працягваюцца работы па спыненні паступлення вады».
Армейцы працягваюць працу па выдаленні глею, каб дайверы маглі пачаць сваю частку аперацыі. «Мэта — ператварыць гразь у ваду, тады змогуць працаваць вадалазы. Праца працягваецца без перапынку», — сказаў Піліпявічус.
«Сёння быў дасягнуты значны прагрэс. Калі ў суботу работа будзе весціся ў такім жа тэмпе, то прагрэс будзе яшчэ большы», — сказаў прадстаўнік арміі ў каментары LRT.
«Паводле маёй інфармацыі, як нашы вадалазы, так і вайскоўцы саюзнікаў здольныя працаваць і ў дзённы, і ў начны час. Усё будзе залежаць ад таго, як будуць праходзіць работы па адпампоўцы бруду і глею», — падкрэсліў ён.
Цяпер чытаюць
Фатограф-агент з двума пашпартамі здымае беларусаў і іх мерапрыемствы ў Варшаве5
Каментары