Spoŭniłasia 90 hadoŭ z dnia naradžeńnia Alaksieja Pysinu — znakamitaha paeta, łaŭreata Dziaržaŭnaj premii Biełarusi. Žyŭ i pracavaŭ na Mahiloŭščynie.
Bajcam nie śniacca panteony
- Na abieliskach — tolki daty,
Imionaŭ mnohich nie znajści.
I nieviadomyja sałdaty
Maŭčać u ścipłym zabyćci.
- Bajcam nie śniacca panteony,
U ich z malenstva kłopat byŭ,
Kab ruńniu dychaŭ doł zialony,
Kab hrad kałośsie nie pabiŭ.
* * *
- Palim my maršanskuju machorku,
Bačym my Dniaproŭskuju hradu.
Budzie siońnia boj. Na tym uzhorku,
Moža, ja taksama upadu.
- Buduć travy nad kurhanam.
Buduć
Nas, napeŭna, ŭ śviecie nie zabuduć,
Uspomniać, što na śviecie my žyli.
- …Ja hladžu na daŭniaje kurhańnie,
Na travu, na ryžych murašoŭ.
Viedajcie: kali mianie nie stanie —
Ja ŭ svaju dyviziju pajšoŭ.
Bałada pra načleh
- Varoty rypiać ci našy ślady?
Daroha, daroha, daroha tudy,
- Dzie budziem anučy ŭ ciaple sušyć,
Da ranicy spać, da staraści žyć.
- Naleva zima naprava zima,
Ni piečy niama, ni doma niama.
- Hranata ŭ rukach. Patron u stvale.
Čaho nam, siabry, jašče nie staje?
- Strałkovaja rota sopku ŭziała.
…Pad nami ziamla, nad nami ziamla.
Vuzieł
- Nie viedaju, jakim vuzłom
Navieki ja pryviazan
Da starych sosien za siałom,
Da jabłyń, hruš i viazaŭ;
- Da kładak hładkich,
Vałunoŭ,
Da traŭ, žytoŭ na ŭźleskach,
Da partyzanskich kurhanoŭ
I pomnikaŭ hvardziejskich…
- Adno ja znaju: hetki mieč
Na śviecie nie skujecca,
Kab moh jon vuzieł moj raśsieč,
Nie zakranuŭšy serca.
-
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)
-
Vyjšaŭ pierakład ramana Sašy Filipienki «Viartańnie ŭ Astroh»
-
«Naša Niva» vypuściła vialiki siužet pra zorku «Pieśniaroŭ» Leanida Bartkieviča
Aryštavany 75‑hadovy Źmicier Sańko — vieteran-vydaviec3
Kamientary