«Paśpieŭ zreahavać za paru imhnieńniaŭ da łabavoha sutyknieńnia». Vuścišnaje videa z trasy pad Minskam
Kali vy ruchajeciesia pa trasie z raździalalnaj pałasoj, to najmienš čakajecie ŭbačyć nasustrač aŭtamabil u svaim radzie. Ale mienavita heta i zdaryłasia z čytačom Onliner.by. Na ščaście, dziakujučy jaho reakcyi surjoznaha DTZ udałosia paźbiehnuć.
Pavodle słoŭ čytača, zdareńnie adbyłosia na trasie R1 (vyjezd ź Minska ŭ bok Dziaržynska) 8 krasavika prykładna a 06:10—06:20.
— Ruchaŭsia pa levaj pałasie, apiaredžvajučy patok i razhaniajučysia da dazvolenaj chutkaści 120 km/h, kab pierastroicca ŭ siaredniuju pałasu. Z-za śviatła far, ranišniaha zmroku i zakruhleńnia darohi nie adrazu stała zrazumieła, što nasustrač u majoj pałasie ruchajecca aŭtamabil ź vialikaj chutkaściu. Paśpieŭ uviarnucca za niekalki imhnieńniaŭ da łabavoha sutyknieńnia. Pryčym ja byŭ nie adzin: pierahledzieŭšy videa z rehistratara, ubačyŭ, što adna mašyna, što jechała napieradzie, taksama rezka ŭchilałasia ad sutyknieńnia, — raspavioŭ aŭtar videa.
Jon taksama adznačyŭ, što z-za ekstrannaha pierastrajeńnia mašynu prykmietna zakałychała (heta vidać na kadrach), ale da zanosu nie dajšło.
— U DAI pakul nie źviartaŭsia. Numar aŭtamabila dakładna nie skažu, maja chutkaść była 120 km/h, jon taksama jechaŭ vielmi chutka. Marka? «Francuz», Peugeot 406 ci Citroen Xantia. Heta maje zdahadki pa konturach mašyny.
Najbližejšy vyjezd na trasu R1 pa hetaj pałasie — u rajonie pasiołka Ščomyślica. To-bok, «zabłukaŭšy» pa niejkaj pryčynie, vadziciel siniaha aŭtamabila prajechaŭ nasustrač patoku jak minimum kala troch kiłamietraŭ.
Padobnyja historyi z kiroŭcam, jaki jedzie «suprać patoku», zdarajucca pieryjadyčna.
Voś što raić instruktar Juryj Krasnoŭ:
Kali raptam pamyłkova trapili na sustrečnuju pałasu, treba ŭklučyć avaryjnuju sihnalizacyju i pastaracca źjechać da kraju prajeznaj častki, ale pry hetym dumać pra biaśpieku i nie dziejničać biezrazvažna. Kali źjechać niama mahčymaści, lepš spynicca. I čakać momantu, kali źjavicca mahčymaść biaśpiečna raźviarnucca. Praciahvać ruch, dy jašče pa levaj pałasie chutkasnaj trasy — vielmi nieabačlivaje rašeńnie.
Ciapier čytajuć
«Staŭleńnie jak da skaciny». Prarasijski błohier raskazaŭ pra 25 sutak ŭ IČU5
«Staŭleńnie jak da skaciny». Prarasijski błohier raskazaŭ pra 25 sutak ŭ IČU
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1515
Kamientary