Viadučy Valer Rusielik viarnuŭsia na «Biełsat» i pryznaŭsia, što atmaśfiera na kanale palepšała
Na «Biełsat» viarnuŭsia Valer Rusielik, były šmathadovy supracoŭnik kanała, viadomy taksama jak błohier Daroha. Raspytali jaho pra ŭražańni ad abnoŭlenaha kanała.
Valer kaža, što jaho ŭžo daŭno zaprašali viarnucca na «Biełsat», ale raniej nie atrymlivałasia znajści kampramis pa ŭmovach. Ciapier ža zorki syšlisia.
Na «Biełsacie» Valer budzie sumiaščać pracu viadučaha ŭ studyi i padrychtoŭku žurnalisckich materyjałaŭ.
Pakul jon tolki ŭvachodzić u kurs spraŭ, tamu adčuvaje trochi razhublenaść, bo ciapier praca na kanale pabudavanaja pa-inšamu i treba da kanca zrazumieć novuju sistemu. Kaža, u redakcyi šmat novych ludziej.
«Pa atmaśfiery — kali ja sychodziŭ z «Biełsata», jana adroźnivałasia ŭ horšy bok. Ciapierašniaja kiraŭnica kanała [Alina Koŭšyk] bolš adkrytaja, mienš dystancyi. Nie chaču kazać drenna pra raniejšaje kiraŭnictva, ale asabista ŭ mianie nie było ź im takoha blizkaha kantaktu.
Heta nie acenka raniejšaha kiraŭnictva, Ahnieški Ramašeŭskaj, ale my ź joj paprostu siadzieli ŭ roznych budynkach. My mienš kantaktavali, a tut usio na adlehłaści vyciahnutaj ruki, kamierna i bolš kamfortna».
Aproč pracy na «Biełsacie», Rusielik praciahvaje zajmajecca błohierstvam i animacyjaj, supracoŭničaje z kampanijaj «Budźma biełarusami».
«Naša Niva» — bastyjon biełaruščyny
PADTRYMAĆ
Kamientary
[Zredahavana]