Hramadstva44

«Popyt budzie zadavoleny vielmi chutka». Ihar Šunievič raskazaŭ pra pierśpiektyvy palavańnia na miadźviedzia i ryś

Kolišni ministr unutranych spraŭ, a ciapier staršynia Biełaruskaha tavarystva palaŭničych i rybałovaŭ Ihar Šunievič daŭ intervju rasijskamu vydańniu Sputnik, u jakim siarod inšaha zakranuŭ temu dazvołu palavańnia na čyrvanaknižnych miadźviedziaŭ i rysiaŭ, a taksama acaniŭ ich kolkaść i cikavaść biełaruskich palaŭničych da takich trafiejaŭ.

Ihar Šunievič z palaŭničym trafiejem. Fota: trophybook.by

Pavodle acenki Šunieviča,

«kolkaść miadźviedzia raście štohod chutkimi tempami. My nazirajem pa dva-try miedźviedzianiaci ŭ miadźviedzic, i heta ŭžo nie redkaść. Heta śviedčyć pra ŭpeŭnieny stan papulacyi i dobrych pierśpiektyvach rostu».

Kolkaść rysi padličyć składaniej, bo heta nadta aściarožny i ŭtojlivy źvier, ale, jak miarkuje Šunievič, i tut «kolkaść raście i jana bolšaja, čym paznačana va ŭlikovych dakumientach».

Jon ličyć, što cikavaść da zdabyčy hetych vidaŭ žyvioł u Biełarusi jość, ale «nielha skazać, što hetaja cikavaść zaškalvaje i praduhledžvaje ŭ budučyni ledź nie čarhu za ich zdabyčaj». Naprykład, u Rasii ź niekalkich dziasiatkaŭ tysiač licenzij zakryvajucca tolki kala 30-35%.

Palavać na miadźviedzia — šmat kłopatu:

«Dla takoha trafieja treba šmat miesca. U jaho vialikaja škura, a miasa čaściakom zaražanaje roznymi chvarobami, jakija vyklučajuć ŭžyvańnie jaho ŭ ježu».

Tamu «siaredniestatystyčny palaŭničy naŭrad ci budzie zdabyvać za svaju karjeru bolš za adnaho miadźviedzia», a masavaha charaktaru palavańnie na jaho nasić nie budzie.

«Dumaju, što popyt siarod biełaruskich palaŭničych budzie zadavoleny vielmi chutka. Litaralna praz hod ci dva ažyjataž spadzie, i jon budzie zvyčajnym trafiejnym źvieram, jaki nie karystajecca vialikaj papularnaściu. Heta tyčycca i rysi, u tym liku ŭličvajučy składanaści jaje vyjaŭleńnia, vysočvańnia i zdabyčy. Ja ŭpeŭnieny, što heta budzie prerahatyva vielmi vuzkaha koła palaŭničych».

Da taho ž zastanucca kvoty, tamu «ja absalutna spakojny adnosna bojazi, jakija vykazvajuć ab mahčymaj škodzie dla papulacyj hetych dvuch vidaŭ». Havorka tolki pra rehulavańnie kolkaści, i nie bolš taho. Pry hetym Šunievič pastrašyŭ prykładam Rasii:

«Vopyt Rasii kaža pra toje, što rehulavańnie kolkaści buraha miadźviedzia tam siońnia niemahčymaje: hałapujučymi tempami raście papulacyja i spravicca ź joj užo praktyčna nielha. Heta adbyvajecca tamu, što jaho nie kantralujuć, nie adstrelvajuć i jon nie karystajecca papularnaściu ŭ bolšaści palaŭničych. Pry hetym miadźviedź užo prynosić istotnuju škodu, u tym liku ŭžo hinuć i atrymlivajuć traŭmy ludzi — jahadniki i hrybniki».

Kamientary4

  • daviedka
    10.04.2025
    Švied zaniat hienocidom biełorusskoho naroda, Šunievič hienocidom miedviediej i rysi.
  • Biełarus
    10.04.2025
    A hetamu ludažeru ŭsio mała.
  • Lolik z-pad Limasoła
    10.04.2025
    jość taki stary žart: čym bolš palaŭničych, tym mieńš palaŭničych
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam7

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam

Usie naviny →
Usie naviny

Jak za hod źmianilisia ceny na nieruchomaść u bujnych haradach. Stalica nie ŭ lidarach rostu

Miełoni i Makron pasvarylisia nakont Ukrainy. Mierc starajecca ich pamiryć5

Pravy kandydat Simijon niečakana prajhraŭ na vybarach prezidenta Rumynii i ŭžo pryznaŭ parazu3

Fiermiery narakajuć: uradžaj budzie mały. Takich častych zamarazkaŭ nie nazirali apošnija 30 hadoŭ5

U Džo Bajdena znajšli rak u ahresiŭnaj formie3

U Polščy ŭ druhi tur vychodziać mer Varšavy Tšaskoŭski i historyk Naŭrocki 32

Ekzit-poły ŭ Rumynii: Centryst Dan pieramahaje na vybarach sa značnym adryvam15

Prahramistka ź Minska: Ja zarablaju 12 tysiač rubloŭ u miesiac. Pry hetym praktyčna ŭvieś chatni pobyt na mnie12

«Jak kupiła sukienku na śmierć 38 hadoŭ tamu, tak i lažyć». Babula ź vioski pakazała svoj kufar2

bolš čytanych navin
bolš łajkanych navin

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam7

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam

Hałoŭnaje
Usie naviny →

Zaŭvaha:

 

 

 

 

Zakryć Paviedamić