Kolkaść zahinułych u načnym kłubie ŭ Daminikanskaj Respublicy dasiahnuła 221
Pryčyna trahiedyi pakul nie viadomaja.
Zhodna z apublikavanym uradam krainy dakładam, u vyniku abrušeńnia dachu ŭ zapoŭnienym ludźmi načnym kłubie zahinuŭ jak minimum 221 čałaviek. U dakładzie nie ŭdakładniajecca pryčyna trahiedyi, piša Bi-bi-si.
Čakajecca, što hrupa ekśpiertaŭ, u tym liku zamiežnych, vyvučyć kanstruktyŭnyja zahany budynka.
Trahiedyja adbyłasia ŭ minuły aŭtorak padčas kancerta śpievaka ŭ styli mierenhie Rubi Pieresa. Sam 69-hadovy Pieres taksama zahinuŭ.
U razbory zavałaŭ udzielničali 4,5 tys. čałaviek, pracy praciahvalisia 59 hadzin. Z-pad zavałaŭ byli vyratavanyja 189 čałaviek, 17 ź ich zastajucca ŭ balnicach.
Dakładnaja kolkaść ludziej, što znachodzilisia ŭ budynku ŭ toj viečar, zastajecca niavyśvietlenaj. Pavodle źviestak miascovych ŚMI i sajtaŭ pa prodažy biletaŭ, kłub moh umiaščać ad 700 da 1 tysiačy čałaviek.
-
Tramp prymaje vialikuju dozu aśpirynu dla razredžvańnia kryvi. Praz heta ŭ jaho lohka źjaŭlajucca siniaki
-
Kala 40 čałaviek zahinuli, bolš za 100 z traŭmami. Achviary strašnaha pažaru na raskošnym alpijskim kurorcie
-
23‑hadovaha ŭkrainca zatrymali ŭ Varšavie z hłušyłkaj — jon źviarnuŭ na siabie ŭvahu tym, što hadzinami prasiedžvaŭ u kaviarni ŭ aeraporcie
Kamientary