Zdajecca, dziaŭčyna znajšła samaje instahramnaje miesca dla adpačynku ŭ Biełarusi. Ale košt hłempinhu nie dla słabaniervovych
Tolki nie kažycie svajoj babuli, što za adpačynak u lesie i vychodnyja ŭ styli slow life treba zapłacić bolš za minimalny zarobak u Biełarusi. Duša ŭ domiku niama, vajfaj drenny, ale ludzi ŭsio roŭna ŭ zachapleńni.
Tyktokierka Ksienija Ivanoŭskaja pakazała, jaki dziŭny domik pasiarod Nalibockaj puščy arandavała, kab pabyć sam-nasam z saboj. Dziaŭčyna pryznałasia, što maryła trapić siudy jašče ŭ studzieni, ale tady nie było volnych miescaŭ. Kaža, što pašancavała zabraniravać adpačynak jašče pa staroj canie i zapłacić 600 rubloŭ za dźvie nočy (ciapier heta kaštuje ŭžo 750 rubloŭ).
Retryt-hatel Dzen Forest znachodzicca za 90 kiłamietraŭ ad stalicy. Zdajecca, tolki tut u Biełarusi prapanoŭvajuć adpačyć u hłempinhu ŭ styli chiuhie. Na sajcie nastojliva rekamiendujuć pryjazdžać samotna, kab atrymać asałodu ad cišyni i spakoju.
Zajmaje chutar u Nalibockaj puščy płošču 6 hiektaraŭ. Tam pabudavana šasnaccać šale. Hałoŭnaja fiška — vielizarnyja vokny ad padłohi da stoli. U niekatorych šale ich navat pa try — kab čałaviek, jaki pračynajecca na dvuchmiatrovym łožku, bačyŭ sosny z usich bakoŭ.
Tyktokierka zrabiła ahlad arandavanaha šale. Amal uvieś pieršy pavierch zajmaje ahromnisty łožak. Jašče jość maleńkaja šafa i prybiralnia vielmi ścipłych pamieraŭ — u joj znachodzicca bijatualet. Niama navat rukamyjnika, pra duš i havorka nie idzie. Sprava ŭ tym, što, kab źbierahčy pryrodu zapaviednika, kamunikacyi ŭ kožnaje šale paasobku nie padvodzili. Ale heta nie značyć, što ŭsie vychodnyja pryjdziecca pravieści biez mahčymaści pamycca. U hałoŭnym budynku jość usio nieabchodnaje.
Na druhi pavierch šale (chacia, moža, dakładniej budzie skazać — dach) viadzie vintavaja leśvica. Tam znachodzicca ŭbudavany hamak, a źvierchu dla cieniu paviesili tent.
Kuchni ŭ domiku taksama nie praduhledžany, bo charčavańnie try razy na dzień uvachodzić u košt arendy. Ale jość važny niuans: mieniu tut vyklučna viehietaryjanskaje dy viehanskaje. Chočacie miasa? Nie atrymajecca — heta pryncypovaja pazicyja retryt-hatela.
Ale ž tyktokierka zastałasia ŭ zachapleńni ad ježy. Kaža, što viehietaryjanskaja ježa tut lepiej, čym šmat u jakich staličnych restaranach.
Za dva dni videa nabrała ŭ tyktoku bolš za 2,6 miljona prahladaŭ, a taksama kala 140 tysiač łajkaŭ. Kamientaryjaŭ taksama šmat, ale daloka nie ŭsie jany pazityŭnyja.
Samy papularny nabraŭ 21 tysiaču łajkaŭ: «Duš, vada? Miesca dla pryjomu ježy? Ruki dzie pamyć? Nu takoje…». A siem tysiač čałaviek pahadzilisia ź mierkavańniem: «Budka niejkaja. Nijakich adekvatnych vyhod, akramia łožku, niama. Heta taho nie varta».
Šmat chto taksama adznačyŭ, što panaramnyja vokny pasiarod lesu — heta nie samaja dobraja ideja, bo čałaviek nie adčuvaje siabie ŭ biaśpiecy. Zhadvali roznyja filmy žachaŭ. Adna z kamientatarak napisała: «Jak čałaviek, jaki pracavaŭ na chutkaj i ŭ reanimacyi — dziaŭčyny, nikoli nie načujcie dobraachvotna ŭ nieznajomym miescy ŭ hłušy, navat z sabakam, navat sa zbrojaj. Prosta paviercie».
A biełarusy aburylisia koštam: «Adkul takija ceny ŭ nas u Biełarusi? Kali paličyć, dyk lepš užo ŭ Jehipiet źlatać, a potym biaspłatna schadzić na rečku».
Vidavočna, što taki adpačynak pasuje nie kožnamu. U Dzen Forest, naprykład, nastojliva nie rekamiendujuć pryvozić dziaciej, bo ŭsia kancepcyja raźličana na darosłych, jakija šukajuć cišyniu i spakoj. Sabak, tearetyčna, pryvozić možna (za dadatkovuju apłatu), ale pry ŭmovie, što tyja pavodziać siabie nie vielmi hučna i nie buduć razdražniać hučnym brecham inšych haściej.
Vajfaj vielmi słaby navat u hałoŭnym korpusie — ale heta ličycca častkaj kancepcyi.
U retryt-hateli nielha ładzić śviatkavańni. Zatoje možna paŭdzielničać u majstar-kłasie pa kalihrafii abo čajnaj cyrymonii, miedytavać na bierazie voziera ci zajmacca johaj. Jość biblijateka, a na vychodnych pakazvajuć filmy.
Pry hetym miesca sapraŭdy karystajecca papularnaściu. Letam, naprykład, tut možna zabraniravać minimum try nočy, ale volnych dat nie vielmi šmat.
Miarkujučy pa tym, što na fota retryt-hatela traplajucca nadpisy na kitajskaj movie, imavierna, naviedvalnikaŭ z hetaj krainy ŭ Nalibockaj puščy dastatkova.
Piać luksavych hatelaŭ Biełarusi, jakija znachodziacca ŭ nievialikich haradach. Vy dakładna pra ich nie viedali
Dziaŭčyna arandavała na dzień narodzinaŭ zamak pad Minskam — i ŭzarvała tyktok
Błohiery pažyli va ŭsich pałacach i zamkach Biełarusi i skłali svoj rejtynh z cenami
U sialanskaj chacie abo ŭ zamku. Dzie ŭ Biełarusi možna pažyć u histaryčnym budynku i kolki heta kaštuje?
Kamientary