Hramadstva44

U Mahilovie znosiać pieršuju haradskuju elektrastancyju, kab ucisnuć žyły dom u histaryčnym centry

Budaŭnictva niazhrabnaha žyłoha doma, padobnaha da chruščoŭki, vydajuć za rekanstrukcyju histaryčnaha budynka.

Znos pieršaj mahiloŭskaj elektrastancyi. Skrynšoty videa instamogilevlive

Videa sa znosam budynka byłoj elektrastancyi pa 2-m Krutym zavułku z dapamohaj techniki apublikavaŭ kanał instamogilevlive.

Pavodle prajekta, zamiest trochpaviarchovaha budynka musić źjavicca šaścipaviarchovy dom sumnieŭnaj architekturnaj vartaści ad staličnaha zabudoŭščyka «Mirakš Inviest».

Pra historyju budynka pieršaj mahiloŭskaj elektrastancyi i jaje značeńnie dla industryjalnaha raźvićcia Mahilova my raniej padrabiazna raspaviadali.

Pieršaja mahiloŭskaja haradskaja elektrastancyja ŭ Mahilovie była puščana ŭ ekspłuatacyju 7 lutaha 1910 hoda. U 1929 hodzie elektrastancyja stała vypracoŭvać pieramienny tok. 

Paśla ŭviadzieńnia novaj elektrastancyi ŭ vieraśni 1933 hodzie mahiloŭskaja haradskaja elektrastancyja była začyniena, a budynak byŭ pierabudavany pad žyły dom, unutranaja prastora raźbita na dźvie siekcyi pa try pavierchi.

Interjer elektrastancyi. Fota: telehram-kanał «Spadčyna»

U apošnija dziesiacihodździ budynak byŭ adsieleny, zakinuty i patrochu razburaŭsia. Pažar, jaki adbyŭsia ŭviesnu 2022 hoda, padšturchnuŭ aktyvistaŭ padać prapanovu ab uziaćci budynka pad achovu.

Ale čynoŭniki admovili ŭ statusie historyka-kulturnaj kaštoŭnaści na toj padstavie, što «ŭ vyniku ŭździejańnia faktaraŭ pryrodnaha pachodžańnia stračany admietnyja duchoŭnyja i mastackija vartaści», choć budynak zachavaŭsia całkam, u tym liku z dekoram na fasadach.

Fasady «elitnaha» žyłoha doma ŭ histaryčnym centry horada nahadvajuć renaviravanuju chruščoŭku. Fota: Mahiloŭski harvykankam.

U mai 2024 hoda na hramadskaje abmierkavańnie byŭ vyniesieny prajekt novaha žyłoha doma na miescy byłoj elektrastancyi, ale byŭ zaviernuty na dapracoŭku praź nieadpaviednaść normam. Druhoje hramadskaje abmierkavańnie, jakoje adbyłosia ŭ pačatku 2025 hoda, skončyłasia dla zabudoŭščyka bolš paśpiachova. 

Niahledziačy na słova «rekanstrukcyja» ŭ naźvie, aktyvisty adznačajuć, što ad histaryčnaha budynka pa fakcie nie zastaniecca ničoha, navat padmurkaŭ. 

Pad «rekanstrukcyjaj» u prajekcie razumiejecca poŭny znos. Fota: Mahiloŭski harvykankam.

U Mahilovie za apošnija hady nie było nivodnaha pazityŭnaha prykładu zachavańnia histaryčnaj zabudovy. Byli vyniščany ŭsie histaryčnyja budynki pa Vialikaj Hramadzianskaj vulicy, miascovyja ŭłady sprabavali pazbavić achoŭnaha statusu i źnieści cełuju vulicu Łazarenki, takuju schiemu ŭdałosia ažyćciavić z pałacam archibiskupa ŭ Piačersku. Pastupova vyniščajecca draŭlanaja zabudova. Ničoha nie pradprymajecca dziela navukovaj restaŭracyi damoŭ u histaryčnym centry.

I biez taho mocna praredžany vajnoj i časami savieckaha kiravańnia histaryčny horad kančatkova stračvaje svajo ŭnikalnaje abličča — i miascovyja ŭłady nie bačać u hetym nijakaj prablemy. 

«Naša Niva» — bastyjon biełaruščyny

PADTRYMAĆ

Kamientary4

  • Praciahnuli Drot
    26.04.2025
    >musić źjavicca
    dołžien
    1) (imieť dołh) vinien, vinavat
    on mnie dołžien diesiať rublej — jon mnie vinien (vinavat) dziesiać rubloŭ
    2) (byť obiazannym čto-libo diełať) pavinien
    my nie dołžny bojaťsia trudnostiej — my nie pavinny bajacca ciažkaściej

    pri vyražienii vierojatnosti, priedpołahajemoj nieiźbiežnosti pierievoditsia jeŝio ličnymi formami ot hłahołov mieć i (dla prošiedšieho vriemieni) miecca

    on skoro dołžien viernuťsia — jon chutka maje (pavinien) viarnucca
    ona dołžna była prijti jeŝio včiera — jana miełasia (pavinna była) pryjści jašče ŭčora

    ****dla vyražienija značienija: byť vynuždiennym***
    — pierievoditsia takžie ličnymi formami ot hłahoła ***musić***
    ona dołžna była eto sdiełať — jana musiła (pavinna była) heta zrabić
  • Salušn architekt
    26.04.2025
    Niama ŭ łukašenkaŭskaj elity pačućcia husta absalutna! Ryhać🤮 chočacca kali bačyš što budujuć hetyja jołupni! Ani hrama pacućcia estetyki! I hetyja ludzi kirujuć krainaj?! Da ja im karmy razdavać na fiermie navat by nie daručyŭ! Paśla źmieny ŭłady znoŭ treba budzie prarubać akno ŭ Jeŭropu dla hłybinnaha narodu! Kab ludzi razumieli što pryhoža, a što nia vielmi
  • Pamiać
    27.04.2025
    Jak zvali ministra kultury, pry jakim ministerstva dazvoliła rujnavańnie pieršaj elektrastancyi ŭ Miensku?..
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ29

Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ

Usie naviny →
Usie naviny

U «Aziempika» źjaviŭsia surjozny kankurent. Amierykancy ŭžo čaściej kuplajuć mienavita hety preparat dla pachudzieńnia

Tramp uvioŭ pošliny 50% na tavary z Brazilii5

Bicepsy Ivana Kraŭcova ździvili sacsietki. Jon raskazaŭ, jak trymaje siabie ŭ spartyŭnaj formie57

Les jak nažom zrezała. Nastupstvy niepahadzi ŭ Minskim rajonie FOTA1

Na aŭkcyjonie ŭ Francyi pradali nošanuju škarpetku Majkła Džeksana2

Dziesiać łajfchakaŭ, jak palepšyć pracu pralnaj mašyny i lepš admyvać rečy7

Niekalki śviedkaŭ kažuć, što bieśpiłotnikaŭ na Minsk lacieła dva13

U jakija krainy dla biełarusaŭ najbolš darahija turystyčnyja vizy? Lidar niečakany2

Indyjskija daktary padčas padrychtoŭki pacyjentki da apieracyi vyjavili novuju hrupu kryvi

bolš čytanych navin
bolš łajkanych navin

Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ29

Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić