Ultrapravy palityk pieramoh u pieršym tury pieravybaraŭ u Rumynii. U jaho ažno 41%
U Rumynii padličyli 100% hałasoŭ z učastkaŭ unutry krainy pa vynikach pieršaha tura prezidenckich vybaraŭ. Lidar nacyjanalistyčnaj partyi «Aljans za abjadnańnie Rumynii» Džordže Simijon nabiraje 40,96%, śledam idzie mer Bucharesta Nikušor Dan. Kandydat ad kirujučaj kaalicyi Kryn Antaniesku — treci.
Simijon — prychilnik Donalda Trampa, a jahonaja partyja, jak piša Politico, pazicyjanuje siabie jak «prachryścijanskuju i prasiamiejnuju». Jon vystupaje suprać vajskovaj dapamohi Ukrainie (pry hetym asudžajučy Rasiju) i padtrymlivaje Kelina Džardžesku — kandydata, jakoha abvinavačvali ŭ suviaziach z Rasijaj i nie dapuścili da vybaraŭ.
Simijon nabraŭ 40,96% hałasoŭ i vyjšaŭ u druhi tur razam z meram Bucharesta Nikušoram Danam, jaki atrymaŭ 20,99%.
55-hadovy Dan — prymar, heta značyć mer stalicy krainy, Bucharesta. Dan raniej uznačalvaŭ libieralny Sajuz za ŭratavańnie Rumynii (SUR), adnak na vybary idzie jak niezaležny i antymejnstrymavy kandydat.
Druhi tur prezidenckich vybaraŭ u Rumynii projdzie 18 traŭnia.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary