Śviet66

Kadyraŭ rychtuje pieradaču ŭłady

Pakul zdaroŭje Ramzana Kadyrava paharšajecca, u Čačni na vačach zapuskajecca miechanizm pieradačy ŭłady. Novy niefarmalny haspadar respubliki ŭžo źjaviŭsia.

Adam i Ramzan Kadyravy. Fota: Ramzan Kadyraŭ / Telegram

Jak piša «Novaja hazieta Jeŭropa», Ramzan Kadyraŭ u studzieni 2025-ha jašče zachoŭvaŭ bačnaść badzioraści, ale ŭžo 4 lutaha byŭ ekstranna špitalizavany ŭ pryvatnuju kliniku «Ajmied», jakaja naležyć jaho siamji. Z taho času jon amal nie kiruje respublikaj: redka vychodzić z kliniki, dla pajezdak pa respublicy i za jaje miežami vykarystoŭvaje viertalot sanitarnaj avijacyi. Aficyjnyja mierapryjemstvy adkryvaje jaho pravaja ruka — staršynia ŭrada Čačni Mahamied Daudaŭ.

Zvalnieńnie dačok i pieraafarmleńnie aktyvaŭ

Pa danych krynic vydańnia, adrazu paśla čarhovaha miedycynskaha abśledavańnia Kadyrava ŭ lutym hetaha hoda try jaho dački — Ajšat, Chadzižat i Chutmat — pakinuli dziaržaŭnuju słužbu. Asabliva rezanansnaj stała adstaŭka z pasady vice-premjera Ajšat, jakaja ličyłasia samaj upłyvovaj i zdolnaj siarod dziaciej Kadyrava. Jana nie tolki kuryravała kulturu, ale i pravodziła realnyja reformy — adnaŭlała teatry, zmahałasia z karupcyjaj, madernizavała sistemu sacpadtrymki.

Ale ŭ toj ža čas Ajšat Kadyrava aktyŭna i demanstratyŭna padtrymlivała vajnu va Ukrainie. Pryčym rabiła heta nie pad prymusam, a z ułasnaj inicyjatyvy.

Krynicy «Novaj haziety» padkreślivajuć: Ajšat mahła b stać pierajemnicaj, kali b nie adno «ale» — jana žančyna. «U Kadyrava nie było b hałaŭnoha bolu z pryznačeńniem pierajemnika, kali b Ajšat naradziłasia mužčynam», — kažuć surazmoŭcy vydańnia. Adnak u patryjarchalnaj sistemie Čačni dačka nie moža pryniać u spadčynu ŭładu. Zatoje moža kantralavać biznes — mienavita dla hetaha, vierahodna, i spatrebiŭsia jaje aficyjny adychod z pasady.

Ajšat i Ramzan Kadyravy. Fota: sacsietki Ajšan

Pakul sam Kadyraŭ i jaho darosłyja dzieci ličylisia čynoŭnikami, pavodle zakonu jany nie mieli prava zajmacca pradprymalnictvam. Tamu farmalna biznes vioŭsia praz padstaŭnych asob, što dazvalała vykonvać bačnaść zakonnaści i pry hetym zachoŭvać poŭny kantrol. Ale takaja schiema mahčymaja tolki pry žyvym Kadyravie.

Adrazu paśla zvalnieńnia ź dziaržsłužby pačałasia pieradača siamiejnych aktyvaŭ: Ajšat stała ŭładalnicaj «Čačenskich minieralnych vod» ź miljardnymi abarotami, jaje maci — uładalnicaj kliniki «Ajmied», a druhaja žonka Kadyrava — ułaśnicaj novaj aptečnaj sietki Darba Pharmacy.

Mižnarodnaja hulnia: Katar, Siryja i «załatyja šachty»

Niahledziačy na ​​paharšeńnie zdaroŭja, Kadyraŭ zachoŭvaje važnuju rolu ŭ mižnarodnaj palitycy. Kreml pryciahvaŭ jaho da pieramovaŭ z Kataram pa siryjskim pytańni, pakolki mienavita Kadyraŭ maje niefarmalnyja suviazi na Blizkim Uschodzie i dośvied tajemnaj dypłamatyi.

U abmien na hetyja pasłuhi jon prasiŭ u Pucina palityčnyja harantyi dla svajoj siamji i ŭdzieł u padziele aktyvaŭ, jakija raniej kantralavavaŭ sienatar Sulejman Kierymaŭ — u pryvatnaści, «załatych šacht» kampanii «Polus». Jak paviedamlajecca, Kadyraŭ skardziŭsia na reputacyjnyja straty paśla kanfliktu vakoł Wildberries, dzie jaho kandydat Uładzisłaŭ Bakalčuk prajhraŭ, a tamu šukaŭ novuju kampiensacyju — dolu ŭ «załatych šachtach».

Krynicy ličać, što Kadyraŭ moža atrymać niefarmalny ŭpłyŭ praz svajho pradstaŭnika na Fond padtrymki isłamskich arhanizacyj, jaki vałodaje 46,35% akcyj «Polus».

Płan Kadyrava

Ramzan Kadyraŭ nie moža aficyjna pieradać uładu svaim dzieciam: rasijskaja kanstytucyja zabaraniaje vyłučeńnie ŭ kiraŭniki rehijonu asoby, małodšaj za 30 hadoŭ, a jaho syny niepaŭnaletnija abo tolki nabližajucca da hetaha ŭzrostu.

Adnak, pavodle infarmacyi «Novaj Jeŭropy», užo z 2023 hoda, kali zdaroŭje Kadyrava prykmietna pachisnułasia, jon i jaho bližejšaje asiarodździe pačali realizacyju płana pieradačy ŭłady ŭ abychod farmalnych pracedur.

Jaho sutnaść — padzialić realnuju i farmalnuju ŭładu, pieradaŭšy klučavyja ryčahi kiravańnia — siłavyja, finansavyja i cieniavyja — u ruki siamji, a naminalnaha kiraŭnika respubliki možna budzie pryznačyć abo ź liku pravieranych paplečnikaŭ, abo pa ŭzhadnieńni z Maskvoj.

Kadyraŭskaja ŭłada budujecca na troch aporach: fiederalnych hrošach, padkantrolnych siłavych strukturach i niefarmalnych harantyjach biaśpieki ad Pucina,

Zachavać hetyja resursy ŭ rukach siamji — hałoŭnaja meta Kadyrava. Asabliva važna zabiaśpiečyć pierajemnaść u kantroli nad siłavikami i cieniavymi patokami, a taksama dabicca pradaŭžeńnia asabistych harantyj z boku Kramla, užo dla jaho dziaciej.

Spadčyńnik

Centralnaj fihuraj u hetym płanie staŭ małodšy syn Kadyrava — Adam, jakomu ciapier 17 hadoŭ. Mienavita jaho Kadyraŭ staŭ aktyŭna prasoŭvać paśla taho, jak starejšyja syny nie apraŭdali spadziavańniaŭ.

Spačatku Adam staŭ farmalnym «načalnikam achovy», zatym — kurataram MUS pa Čačni», a ŭ krasaviku 2025-ha — užo i sakratarom Rady biaśpieki Čačni. Usie pryznačeńni supiarečać rasijskamu zakanadaŭstvu, ale na ich nichto ŭ Maskvie nie reahuje.

Pakazalna, što ministr unutranych spraŭ Čačni asabista pradstaviŭ Adama palicyi jak novaha kiraŭnika, padkreślivajučy, što ŭsie dziejańni viedamstva ciapier uzhadniajucca ź im. U maładoha Kadyrava — ułasny kartež, achova, pazyŭny DUSTUM (jak u baćki ŭ maładości) i ŭzrastajučy ŭpłyŭ na ŭsie siłavyja i ekanamičnyja pracesy ŭ respublicy.

Adam Kadyraŭ. Fota: telehram-kanał Ramzana Kadyrava

Adam siońnia źjaŭlajecca druhim pa ŭpłyvovaści čałaviekam u Čačni. Dakładniej, takim jaho paśladoŭna robić sam Kadyraŭ. Heta dobra bačna i pa źniešnich prykmietach, jakim u Čačni zaŭsiody nadavali vialikaje značeńnie. Naprykład, pamier kartežu Adama taki ž, jak u jaho baćki. Usio čaściej jahonyja partrety sustrakajucca ŭ kabinietach čynoŭnikaŭ.

U toj ža čas Kadyraŭ prybiraje navat svaich raniejšych paplečnikaŭ. Adzin ź ich — Adam Delimchanaŭ — zaraz tolki treniruje Adama Kadyrava i pieradaje svaje šyrokija suviazi, u tym liku i ŭ kryminalnym śviecie, jak u rehijonach Rasii, tak i za miežami krainy.

Były sakratar Rady biaśpieki i plamieńnik Kadyrava Chamzat zaraz u AAE i afarmlaje hramadzianstva. Uśled za im hramadzianstva AAE budzie zroblena i dla inšych členaŭ siamji.

Ramzan Kadyraŭ z Chamzatam Kadyravym. Fota: telehram-kanał Ramzana Kadyrava

Takim čynam, Kadyraŭ stvaraje paralelnuju viertykal ułady, u jakoj farmalny kiraŭnik respubliki — fihura naminalnaja, a ŭsia realnaja ŭłada budzie skancentravana ŭ rukach spadčyńnikaŭ i łajalnych kłanaŭ, źviazanych ź imi svajactvam.

Hałoŭnaja intryha — ci zachavaje Kreml svaje niefarmalnyja harantyi paśla śmierci Kadyrava.

Kamientary6

  • Dima
    06.05.2025
    Nu vsie sobirajsia, skoro v ad
  • babrujčanin
    06.05.2025
    Harancyi Kremla ?? Braty Jandarbijevy chieroi rf ..pakojnyja chaj razpaviadut Jašče bajku Tołstaha " chadžy murat" uzhadajcie " mieść kroŭnuju" Razdierbaniat ramzaniat ŭsie " paplečniki" braty Sieńnia jen vadiła terarysta Radujeva zaraz pravaja ruka Ramzana...zaŭtra šerahovy ..Abduła.
    Znoŭ biehci praz rB pačnut ščyryja dobrazyčlivyja biełarusy...sało kaŭbasoŭ testujcie .U sa ..ieli
  • Adno kino
    06.05.2025
    Jak byccam pra Łuku i jaho siamiejku pračytaŭ
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Čamadanava raskazała, što kateharyčna nielha abmiarkoŭvać na kuchniach14

Čamadanava raskazała, što kateharyčna nielha abmiarkoŭvać na kuchniach

Usie naviny →
Usie naviny

U MTS raskazali, dzie ŭ Biełarusi žyvuć žaŭranki, a dzie — sovy2

Z-za navalnicy na poŭnačy Minska na 25 siekund adklučałasia elektryčnaść

Siamja biełarusaŭ akazałasia ŭ dvuch roznych asiarodkach emihracyi. Muž nie moža trapić da žonki ŭ Hruziju, a jana — atrymać vizu da jaho ŭ Polšču10

Alimpijskaja čempijonka pa bijatłonie prapała ŭ harach Pakistana1

Mahutny ziemlatrus kala bierahoŭ Kamčatki pryvioŭ da cunami, u Japonii i na Havajach abvieščana evakuacyja

Jakija mašyny biełarusy dahetul aktyŭna viazuć z ZŠA7

Biełarus raspracavaŭ pierakładčyk dla biznesu, jaki prynosić jamu miljon dalaraŭ na hod14

U zaaparku Niurnbierha zastrelili 12 babuinaŭ. Dla ich nie chapała miesca6

Minsk proci nočy znoŭ papłyŭ VIDEA3

bolš čytanych navin
bolš łajkanych navin

Čamadanava raskazała, što kateharyčna nielha abmiarkoŭvać na kuchniach14

Čamadanava raskazała, što kateharyčna nielha abmiarkoŭvać na kuchniach

Hałoŭnaje
Usie naviny →

Zaŭvaha:

 

 

 

 

Zakryć Paviedamić