5 maja Łukašenka padpisaŭ ukaz, jaki pašyraje vidy dziaržaŭnaj finansavaj padtrymki, paviedamlaje pres-słužba palityka.
U dakumiencie skazana, što da vidaŭ takoj padtrymki, jakaja akazvajecca ŭ indyvidualnym paradku, buduć adnosić biudžetnyja tranśfierty na pakryćcio častki vydatkaŭ pa inviestycyjnych prajektach.
Śpis taksama papoŭnili ŭkłady ŭ statutnyja fondy jurydyčnych asob, jakija ŭnosiacca za košt srodkaŭ respublikanskaha abo miascovych biudžetaŭ, plus biudžetnyja pazyki i inšyja vidy dziaržpadtrymki, jakija vydajucca za košt biudžetnych srodkaŭ.
Ukaz vyznačaje, što pry ŭniasieńni prapanoŭ ab dziaržpadtrymcy abaviazkova pavinna być ekanamičnaje abhruntavańnie jaje metazhodnaści. Spatrebicca i zaklučeńnie ab kankurentazdolnaści vypuskanaj pradukcyi.
Akramia taho, u rašeńniach ab dziaržpadtrymcy pavinny być zamacavanyja adkaznaść słužbovych asob i pakazčyki dziejnaści arhanizacyj. Pryčym uviedzienaja zabarona na nastupnaje karektavańnie takich pakazčykaŭ.
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA16
Kamientary