U Połackim rajonie milicyjaniery spyniali pjanaha traktarysta strełami pa kołach
U kabinie traktara znachodzilisia čatyry čałavieki, vadziciel nie adreahavaŭ na patrabavańnie spynicca i zładziŭ honki. Milicyjaniery ŭžyli zbroju.
Zdareńnie adbyłosia ŭ Połackim rajonie. Uvahu pravaachoŭnikaŭ pryciahnuŭ traktar, u kabinie jakoha znachodzilisia čatyry čałavieki — značna bolš, čym praduhledžana normami.
Vadziciel praihnaravaŭ sihnały ab spynieńni, i pačałasia honka. Pa słovach supracoŭnikaŭ milicyi, traktar ruchaŭsia niaŭpeŭniena, źmianiajučy pałasu ruchu, a adna z pasažyrak skoknuła z traktara na chadu.
Traktar byŭ spynieny paśla strełaŭ pa kołach. Za rulom apynuŭsia 38-hadovy žychar rehijona. Jon byŭ pjany (1,8 pramile). Vyjaviłasia, što ŭ 2021 hodzie mužčyna ŭžo byŭ pazbaŭleny prava kiravańnia za anałahičnaje pravaparušeńnie, a ŭ studzieni hetaha hoda iznoŭ kiravaŭ transpartam u niećviarozym stanie.
Na pytańnie milicyi, kudy jon tak hnaŭ, mužčyna adkazaŭ: «Na pole».
Raspačataja kryminalnaja sprava.
Kamientary