Prezident Hiermanii padkreśliŭ rolu biełarusaŭ u pieramozie nad nacyzmam
Fiederalny prezident FRH Frank-Valter Štajnmajer, vystupajučy ŭ Bundestahu padčas miemaryjalnaj cyrymonii z nahody 80-hadovaha zakančeńnia vajny ŭ Jeŭropie ŭ 1945 hodzie, byŭ kateharyčny ŭ acenkach Pucina i admysłova padkreśliŭ rolu narodaŭ Ukrainy i Biełarusi.
Pavodle słoŭ niamieckaha prezidenta, nacyscki režym pieramahli «amierykancy, brytancy, francuzy, a taksama Čyrvonaja Armija, u składzie jakoj byli sałdaty z Rasii, Ukrainy, Biełarusi i pradstaŭniki inšych nacyj».
Taksama jon adkrytym tekstam skazaŭ, što «vyzvalicieli Aśviencyma pieratvarylisia ŭ novych ahresaraŭ», a pucinskija naratyvy adnosna praciahu baraćby z fašyzmam va Ukrainie akreśliŭ jak «falsifikacyju historyi — nie što inšaje, jak prykryćcio impieryjalistyčnaha varjactva, najciažejšaj niespraviadlivaści i samych ciažkich złačynstvaŭ».
Palityčny analityk Alaksandr Frydman adznačaje: «Farmuloŭki padabranyja z asablivym sensam i vyhladajuć navat bolš ćviordymi, čym čakałasia».
Aficyjnych dypłamatyčnych pradstaŭnikoŭ pucinskaha i łukašenkaŭskaha režymaŭ na hetuju cyrymoniju pryncypova nie zaprasili.
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary