Jak i ŭ papiarednija try hady, rasijski prezident Uładzimir Pucin u ŭračystaj pramovie na Krasnaj płoščy 9 maja zhadaŭ pra vajnu Rasii suprać Ukrainy, adnak hetym razam na hetuju temu było skazana litaralna niekalki słoŭ, piša Bi-bi-si.
Pavodle słoŭ Pucina, rasijanie zachoŭvajuć pamiać pra «histaryčnyja, tryumfalnyja padziei» Vialikaj Ajčynnaj vajny i pakaleńnie, jakoje zaviaščała «abaroniać Radzimu» i «ćviorda adstojvać svaje nacyjanalnyja intaresy», a taksama tradycyjnyja kaštoŭnaści.
«Rasija była i budzie niepachisnaj pieraškodaj dla nacyzmu, rusafobii, antysiemityzmu, budzie zmahacca ź biezzakońniem, što čyniać prychilniki hetych ahresiŭnych razburalnych idej. Praŭda i spraviadlivaść na našym baku», — skazaŭ Pucin.
«Usia kraina, hramadstva, narod padtrymlivajuć udzielnikaŭ śpiecyjalnaj vajennaj apieracyi. My hanarymsia ich advahaj i rašučaściu», — adznačyŭ paśla hetaha rasijski prezident. «Śpiecyjalnaj vajennaj apieracyjaj» u Rasii nazyvajuć vajnu va Ukrainie.
Paśla hetaha jaho pramova znoŭ była pryśviečana Vialikaj Ajčynnaj vajnie. Zaviaršyŭ pramovu Pucin słovami pra toje, što rasijanie zaŭsiody buduć abapiracca «na našu jednaść» u «vajskovych i mirnych spravach».
Ciapier čytajuć
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie77
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie7
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary
A čomu putin poruč z rusofobijeiu nie borieťsia z ukrajino-fobijeiu, kavkazo-fobijeiu, anhłosakso-fobijeiu i takie inšie? Pidlehli rašisti nie sprijmuť?