Maładych mazyrskich skinchedaŭ z «Ducha Rusi» buduć sudzić za «prapahandu teraryzmu»
Śledčy kamitet paviedamiŭ pra zatrymańnie vaśmi maładych ludziej z Mazyra i inšych rehijonaŭ. Usiaho raspačatyja 34 kryminalnyja spravy.
Pa viersii śledstva, maładyja ludzi z abjadnańniaŭ «Piert» i «Duch Rusi» źbiralisia ŭ padvale, dzie abmiarkoŭvali akcyi i «zachoŭvali pryłady złačynstvaŭ». Raniej supolnaści pryznali «ekstremisckimi farmiravańniami».
Siłaviki zacikavilisia dziejnaściu padletkaŭ paśla taho, jak suprać žychara Jelskaha rajona raspačali kryminalnuju spravu ab raspalvańni varožaści (artykuł 130 KK) za paviedamleńni ŭ telehramie. Tady pravieryli jaho kantakty — chłopiec aktyŭničaŭ u supołcy «skinchedaŭ» i časta jeździŭ u Mazyr.
Pa skrynšotach, jakija apublikavaŭ SK, bačna, što chłopcy płanavali stvaryć sietku abjadnańniaŭ pa Biełarusi, Rasii i Ukrainie.
«Asnova zadumy — akcyi pramoha dziejańnia, jakija pavinny paŭpłyvać na stan ustojlivaści ŭłady», — skazana na adnym z paviedamleńniaŭ.
Pa inšych paviedamleńniach bačna, jak u novaha prychilnika pytajucca, ci hatovy jon «dziejničać radykalna». Toj adkazvaje, što «učora chadziŭ kala RAUS, tam składana akcyjaniravać».
SK piša, što ŭ Mazyry maładyja ludzi ładzili napady pa pryčynie nacyjanalnaj ci sacyjalnaj varožaść. Ab čym kankretna heta było, nie ŭdakładniajecca. Skazana, što chłopcy vykarystoŭvali maski, draŭlanyja bity i piarcovyja bałončyki. Videa, jakija jany zdymali padčas napadaŭ, pa mierkavańni śledstva, stali asnovaj dla «ekstremisckaha kantentu», jaki publikavaŭsia na «padkantrolnych resursach».
Padletki stvarali telehram-kanały, hrupy i boty, praź jakija «papularyzavali idei nacyzmu i reabilitavali nacysckich złačyncaŭ, raspalvali mižnacyjanalnuju i sacyjalnuju varožaść, dyskredytavali Biełaruś i prapahandavali terarystyčnuju dziejnaść».
Kandydatam, jakija chacieli dałučycca da maładzionaŭ, daručali vyrablać i raspaŭsiudžvać «ekstremisckija ŭlotki» i malavać «ekstremisckuju simvoliku» na budynkach. Dla ŭstupleńnia ŭ abjadnańnia pravodzilisia abrady pryśviačeńnia.
Dziejnaść padletkaŭ śledčyja rasśledavali kala hoda. Usiaho raspačatyja 34 kryminalnyja spravy. Siłaviki zatrymali vosiem čałaviek, siamiora ź ich na momant padziej byli niepaŭnaletnija.
Ciapier ich abvinavačvajuć u chulihanstvie, reabilitacyi nacyzmu, stvareńni «ekstremisckich farmiravańniaŭ», prapahandzie teraryzmu i inšym artykułam KK.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio28
Kamientary